Litteratur
Hauge-dagbøkene
10. juli 1966: «Raserianfall, utfall mot fiendar og vener. Sov i potetkjellaren for stråler, straumen var sterk. Fælt sterk.»
Teikning: May Linn Clement
Siste dagane har eg gjenge gjenom ein del avisor. Mykje har hendt sidan eg slutta å fylgja med her i vår. Eg gjeng ut i frå at det var i midten av mai eg fekk desse anfalli og var burte i mi eigi verd.
Det er um lag 5 år sidan sist, mot jol 1960 og utyver vinteren 1961, då eg var på Valen sist. Det ser ut til å gå 5 år millom kvar bya. Alltid det same! Same tankane, same tilstanden.
Denne gongen arbeidde eg lenger enn eg plar gjera. Kva eg fekk gjort, veit eg ikkje med vissa. Kanskje det var fyrst i mai eg slutta å arbeida? Rimeleg, eg veit ikkje visst. Det hende mange ting her. Eg knuste eikestolen, slo sund lampeskjermar av hardt porselen med knyttnevane. Til all lukke skar eg meg ikkje sund. Men handi var fælt troti etterpå.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
