Film
Kaviardiplomati
Eit lærestykke i kvitvasking av eit undertrykkjande diktatur.
Benoit Bringer har regissert dokumentarfilmen frå Aserbajdsjan.
Foto frå fllmen
Despoten Ilham Alijev har i 18 år styrt den tidlegare sovjetrepublikken Aserbajdsjan som sitt eige familiefirma. Han har skaffa seg og enorme rikdommar medan folket svelt, all opposisjon blir slått ned på, og regimekritikarar blir fengsla. Men han kan kunsten å sminke imaget sitt ved å invitere store artistar som Lady Gaga, Sting, Jennifer Lopez og andre som er for fattige til å halde seg med etikk. Regimet vaskar seg òg med store sportsarrangement.
Kjøpt sete
Men toppen av kransekaka er korleis landet kjøpte seg sete i Europarådet. Eit utal godt betalte parlamentarikarar frå fleire land – også vestlege – sytte ved avrøysting i rådet for å forkaste rapporten som dokumenterte at Alijev og banden hans heldt seg med mange politiske fangar. Slik blei plassen sikra gjennom utsøkt økonomisk rotenskap; då var ikkje rådets etiske og politiske verdiar mykje verde.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
