Som på mange andre felt er islendingane kreative også når det gjeld å marknadsføra ærfugldynene.

I den idylliske grenda Stykkisholmer på Snæfellsnes på den vestlege delen av Island finst det eit lite hus som har fått namnet Ædarsetur Island, og her er føremålet å fremja interessa for både ærfuglane og dundynene.

I ærfuglhuset syner Sigtórsson film om ærfuglane og dyneproduksjonen. På eit bord ligg ei dundyne på utstilling. Tek me på oss kvite hanskar, får me lov til å ta på henne, og me kan raskt slå fast at ho er veldig mjuk og varm.

Det er første året at huset har dørene opne, og Fridrik har ei von om at han skal greia å selja ti dundyner til turistar som kjem innom denne sommaren.