Festen før fallet

Axel Herlofson var ein heilt sentral skipsreiar, eigedomsbaron og bankeigar i Arendal på slutten av 1800-talet. Etter å ha opparbeidd seg enorm rikdom både ved normal forretningsverksemd og gjennom misleghald og grove underslag eigde han og familien hans det meste i sørlandsbyen. Då det small i 1886, drog han med seg bank og by ned i elendet. Krakket var så dramatisk at enkelte meiner det fekk følgjer for Arendal og omgjevnadene i hundre år.

Med dette utgangspunktet har Guri Idsø Viken spunne ei livleg soge om både fiktive og verkelege personar. Det er blitt ei forteljing der sterke kjensler får stor plass, særleg seksuelle og spesielt slike som ikkje var aksepterte i samtida. I tillegg får vi mange og detaljerte skildringar av klede og interiør hos dei kondisjonerte i sørlandsbyen på slutten av 1800-talet: kjolar og korsett, slips og nips, mange typar interiør og sko så blanke at himmelen speglar seg i dei. Også mat og måltid er vigd stor plass.

Kjærleiksintrigar

Mange av karakterane ber dei same namna som verkelege personar. Om dei er truverdige, er ei anna sak. Utanom Herlofson sjølv er dei to vi blir best kjende med, ein reint fiktiv karakter og ein halvautentisk, om ein kan seie det slik. 

Agnes Mercier er dotter til Axel Herlofsons elskar i Paris. I opninga er ho i sitt livs krise. Faren (altså Axels elskar) er død, og onkelen hennar har kasta ho til ulvane, eller rettare sagt inn på bordell. Enno jobbar ho ikkje der, men det er farleg nær. 

Agnes har eit av-og-på-forhold til Axels bror, Didrik, som no har gifta seg med ei anna. Når ho ein dag oppdagar og tar med seg eit forlate spedbarn, lurer ho Axel til å tru at barnet er hennar og Didriks. I redsle for skandale går brørne med på å ta barnet med til Arendal og inn i familien – og å hjelpe Agnes. Slike kjem pariserinna seg til Arendal, der ho opnar kjolesalong for fine fruer.

Er du abonnent? Logg på for å lese vidare

Digital tilgang – heilt utan binding

Prøv ein månad for kr 49.
Deretter kr 199 per månad. Stopp når du vil.

E-postadressa di

Eg godtek vilkåra

Eller kjøp eit anna abonnement

Er du abonnent? Logg på for å lese vidare