Filmfjes

Den iranske filmskaparen Mohammad Rasolouf skulle vere ein av hovudgjestane under årets Film fra Sør. Alle filmane hans, inkludert den nye Cannes-vinnande Mannen mot strømmen, blir vist på årets program. Men like før avreise fekk Rasolouf passet sitt konfiskert av iranske styresmakter, og han kan no vente seg ei rettssak. Det er uvisst kva Rasolouf er skulda for, men med samfunnskritiske, allegoriske filmar, er han ein konstant torn i auget for den iranske staten.

S.Å

Japansk erotikk

Blant dei meir kuriøse innslaga på årets Film fra Sør-program er to japanske filmar innan sjangeren roman porno. Det japanske filmstudiet Nikkatsu starta sjangeren på 70-talet, og filmane følger ein enkel logikk: lågbudsjett, kort lengde, ei vekes opptak – og nakne kvinner kvart femtande minutt. Då Nikkatsu fylte 100 år for eit par år sidan, fekk sjangeren nytt liv. Film frå Sør har plukka ut to av dei nye filmane – «Antiporno» og «Wet Woman in the Wind».

S.Å

Tre på topp

Film frå Sør viser dokumentaren 76 minutes and 15 minutes with Abbas Kiarostami. Her er tre filmar frå filmlegenda:

1) Hvor er min venns hus?, 1987. Ein gut tar ved ein feil med seg notatboka til ein klassekamerat. Vel vitande om at vennen då er i trøbbel, bestemmer guten seg for å gi boka tilbake.

2) Livet går videre, 1991. Ein regissør er tilbake i eit jordskjelvråka område for å finne to gutar han brukte i sin førre film.

3) Under oliventrærne, 1994. Ei kjærleikshistorie mellom to av skodespelarane under Livet går videre.

S.Å