Drama

REGI: MARCO BELLOCHIO

Drøm søtt

MED: BERENICE BEJO, VALERIO MASTANDREA, FABRIZIO GIFUNI, GUIDO CAPRINO

Vi er i Torino i 1969. Niåringen Massimos idylliske barndom fell i tusen bitar då mor hans blir borte på mystisk vis. Han godtek ikkje forklaringa om at det var eit sjølvmord. Åra går, og han vert ein framgangsrik journalist. Men etter å ha rapportert frå krigen på Balkan kjempar han med stadige panikkanfall. Han vil selje barndomsheimen, men når gamle minne atter dukkar fram, som det står i songen, ramlar det skrømt og levande vette ut av skåpa. Mange er dei har sine aksjar i dramaet.

Etter å ha levert fleire tital scenedrama er Marco Bellocchio godt skodd. Massimo er tvinga til å atteroppleve den traumatiske fortida si. Meir enn éin kunne ha hjelpt han, men den dugande legen Elisa (Bejo), held korta tett til brystet. Familieband på kryss og tvers raknar, og regissøren har sjølv røynsle for kva dynamitt som enno ulmar etter krigen på Balkan. Faren (Caprino) vil definitivt ha eit ord med i laget.

Soga er bygd på romanen Sweet Dreams, Little One av Massimo Gramelli. Scena er Roma, Sarajevo og Torino. Massimo vert spela av Valeria Mastandrea. I rolla som Massimo som barn har Nicòlo Cabras ei verkeleg berande rolle i ei soge som held deg i age i over to timar.

ROALD HELGHEIM