Naïd Mubalegh

Naïd Mubalegh skriv om fuglar for Dag og Tid og arbeider som lærar i norskopplæring på vidaregåande skule og som gjesteforskar ved Universitetet i Oslo. Ho er fødd og vaksen opp i byen Blois i Loiredalen i Frankrike. Mor hennar er frå byen Rennes i Bretagne og far hennar frå Kabul i Afghanistan. Med elva som nærmaste granne voks interessa for andre livsformer i barndomen, spesielt fuglar. Ho enda opp med å studere biologi i Paris og etter masterstudiet studerte ho vitskapsfilosofi og -historie. Etter å ha budd mellom anna i Lisboa flytta ho for godt til Oslo i 2019, der ho er med i det ornitologiske miljøet. Ho har også omsett og gjendikta ei rekkje tekstar mellom norsk og andre språk, for eksempel for tidsskriftet Mellom.