Charles Baudelaire

Til ei kreol-kvinne

I det angande landet der sola kjæler,

under ein baldakin av tre med raudleg skjær,

der latskap regnar over augo ifrå palmer,

kjende eg ei kreol-kvinne, flott som ingen her.

Huda er bleik og varm. Ei mørk trollkvinne

med eit edelt tilgjort nakkekast,

rank og høgreist går ho, som ei jegerinne:

Augo er trygge, smilet roleg og fast.

Mi kjære dame, om du fór til eit ærefullt land,

ved breidda av Seinen, eller den grøne Loire,

var du vakker nok til å pryde ein herregard.

Du ville djupt i din skuggelagde vesle dal

i diktarhjarto avla sonettar i tusental –

meir lydige enn slavar når augo dine brann.

Gjendikting ved Per Olav Kaldestad

Frå Poetisk modernisme, 1995,

Det Norske Samlaget