William Wordsworth:

Slutt å spotte sonetten

Slutt å spotte sonetten, du som skriv

aviskritikkar; med den nykelen gjekk

eit hjarta opp for Shakespeare; med den fekk

Petrarcas såre lutt sitt lette driv;

den lassoen fanga Tassos mange sviv;

i den fekk Donne lagt av sitt samvitsnag;

sonetten glitra som eit myrteblad

i kransen som gav Dante evig liv

om sjåar-panna; der ein Spencer fann

eit sankthansorm-lys, då djup natt fall på

i alvelandet: den lét Milton sjå

ein stig i tette skodda, i hans hand

blei tingen ein trompet, med den han vann

å blåse ånd i sjeler – akk, for få.

Til norsk ved Åsmund Bjørnstad

Tidlegare upublisert