Notis brødtekst brød feit:
«namn på utstilling»

Kor-når brød kursiv

Målaren, grafikaren og skulptøren Kjell Erik Killi-Olsen (fødd 1952) viser si første separatutstilling på sju år. Verka har det fabulerande, og temmeleg groteske, uttrykket som kunstnaren er kjend for. Måleria kling i sterke fargar, dekorative og ornamentale former er fletta saman med figurative motiv.

Kjell Erik Killi-Olsen startar
kunsthus i fødebyen Trondheim

Killi-Olsen har kjøpt ein bygard på heile 2500 kvadratmeter i Trondheim sentrum. Her skal det kome rimelege husvære for kunstnarar, kafé og store utstillings-
areal. Kunsthuset skal ferdigstillast om to år, men utstillingsprosjekta startar alt i vinter. Huset er tenkt som samlingsstad for alle som er interesserte i kunst, ikkje minst for å stimulere unge kunstnarar til å bli verande i byen.

Vibeke Slyngstad:
«Color me gone»

Haugar Vestfold Kunstmuseum, 14. oktober – 30. desember

Utstillinga viser verk frå 1990-talet til i dag. Måleria er figurative og har ein dåm av fotorealismens klare formspråk. Komposisjonane i serien Modern Classics er utforma som om dei var utsnitt frå ein film vi nesten dreg kjensel på, men som likevel ikkje finst. Her vandrar anonyme menneske rastlaust ikring i lyse og minimalistiske interiør.

Kitty L. Kielland: «Fri luft»

Stavanger kunstmuseum MUST

Utstillinga står til 29. oktober

Stavanger museum gir oss ein unik sjanse til å sjå ei større utstilling med Kitty L. Kielland (1843–1914). Ho er særleg kjend for storslegne og stemningsfulle landskap. Ho var ein av dei første friluftsmålarane, og ho innførte nyromantikken til landet. Som ei av dei første kvinnene måla ho seg inn i den norske kunsthistoria.

Catherine Opie:
«Et øye med verden»

Henie Onstad Kunstsenter,
6. oktober – 7. januar 2018

Vi kjem nær modellane i portretta til den amerikanske fotokunstnaren Catherine Opie. Opie har spesialisert seg på portrett og landskapsfotografering, og ho er særleg kjend for skildringane av amerikanske subkulturar, av det som utan henne ikkje ville blitt løfta fram og synleggjort.

Lise Schønberg:
«Hummer og kanari»

SKMU Sørlandets Kunstmuseum, 14. oktober – 1. mars 2018

Arbeida til Lise Schønberg er prega av humor, fantasi og materialrikdom. Separatutstillinga viser femti år med smykkekunst.

UTLANDET

«Being There»

Louisiana Museum for Moderne Kunst, Danmark

10. oktober – 25. februar 2018

I ei tid der digital og fysisk røyndom smeltar saman, har ti unge kunstnarar frå ulike land samla seg i ei utstilling. Dei skildrar fascinasjon over og frykt for den teknologiske utviklinga gjennom teknikkar som videokunst, skulptur og installasjon.

Bill Viola: «Inverted Birth»

Copenhagen Contemporary.

Utstillinga står til 26. november

Den amerikanske pioneren innan videokunst stiller ut i København! Her møter vi ein fem meter høg videoinstallasjon og står ansikt til ansikt med eksistensielle tema: Liv og død, og det som er imellom.

Venezia-biennalen 2017

13. mai – 26. november

Biennalen i Venezia er den eldste og største kunstbiennalen i verda. Annakvart år vert kunstverk plasserte over store delar av kanalbyen. Her kan du sjå 85 nasjonale paviljongar, 29 er permanente bygningar i Giardiniparken. Resten vert vist i nedlagde industribygg i Arsenale. Tema for året er «Viva Arte Viva».

November er ein god månad å reise til Venezia. Då er det få turistar, og du kan sjå utstillingane i ro og mak. Men hugs paraplyen.