4. UNDERHALDNING

Spørsmål: Kven er den mest kjende nålevande Guri i Noreg?

Svar: Guri Vesaas

Spørsmål: Kven er den mest kjende nålevande Sigrid i Noreg?

Svar: Sigrid Sørumgård Botheim. (Eg veit ikkje kven dei andre er, men les det ho skriv på Innsida).

5. MEDIA

Om Dag og Tid var eit kjæledyr, kva dyr representerer avisa best?

Fleirtalet gjekk for mårhund. Det er uvisst korleis ein skal tolke dette. Er mårhunden alias Dag og Tid ei slags samfunnets vaktbikkje, eller meiner lesarane at Dag og Tid blir sett på som uynskt i den norske faunaen / det norske mediemangfaldet?

6. FRITID OG FERIE

Spørsmål: Gler du deg til sommarferien?

Svar: Her varierer svara, men felles er at alle gruar seg til sommarferien. To av innsendarane er pensjonistar og har ingen ferie. Vi likte også han som irriterte seg over at han elska dinosaurmuseum, noko som gjer ferien utfordrande for han.

7. LIVETS MYSTERIUM

Spørsmål: Kva ville du spurt om dersom du kunne spurt folk om kva som helst?

Delt siger mellom alternativa:

c) Kvifor er samfunnet styrt av a-menneske?

d) Kva ville du spurt om dersom du kunne spurt folk om kva som helst?

8. MAT OG DRIKKE

Spørsmål: Kva skal akevitten Gammel Opland kalle seg nå som Oppland og Hedmark slår seg saman til Innlandet?

Svar: LOL Vestland

9. TERNING- OG BRETTSPEL

Spørsmål: Kor dumt er det å bruke terningkast?

Svar: Terningkast 6

10. DYR OG NATUR

Spørsmål: Kven av desse uynskte artane set du mest pris på?

Svar: Her utmerkte mårhund seg nok ein gong, med sitkagran på god andreplass.

11. PERSONLEGE EIGENSKAPAR

Påstand: Stadig fleire folk har mista evna til å innsjå at EG har rett!

Svar: Sjokkerande nok svara fleirtalet her nei.

12. AVSLUTTANDE SPØRSMÅL

Spørsmål: Kor lei er du av spørjeundersøkingar?

Svar: Eg elskar spørjeundersøkingar og skulle ynskje eg kunne leva av å svara på spørsmål.