Raritetar i utval
Enkeltpersonorkesteret Aphex Twin samlar «djupe kutt» i utval til glede for store og små.
Albumet som no er ute, tek utgangspunkt i spesifikke Aphex Twin-konsertar.
Skjermdump frå YouTube
Elektronisk musikk
Aphex Twin:
Music From the Merch Desk (2016–2023)
Warp Records
Den britiske produsenten Richard D. James, ein pioner innan sjangeren IDM (intelligent dance music), har halde musikkproduksjonen gåande sidan 1988. Blant dei mange artistnamna hans er Aphex Twin det mest kjende, og det er liten – meir presist ingen – tvil om at dette er eit av dei aller mest profilerte namna innan elektronisk dansemusikk.
Music From the Merch Desk (2016–2023) er eit samlealbum med materiale frå såkalla merch-sal i samband med spesifikke Aphex Twin-konsertar – høve som etter kvart har blitt storhende av proporsjonar – og inneheld 38 spor med ei samla speletid på 155 minutt og 56 sekund. Her er det med andre ord ikkje ny musikk som blir servert, men musikk som likevel vil vere ny for dei fleste.
Røft og abstrakt
Spora har namn som «T69T07 stasspa+3 [London 03.06.17]», og klammeteikna indikerer på kva konsert fansen først hadde høve til å sikre seg materialet i avgrensa vinylsingelopplag.
Her står relativt røffe og abstrakte greier, til dømes den mjuke støysnutten «T47 smodge [London 03.06.17]» og den minimalistiske synthvoggesongen «sk8 littletune HS-PC202 [London 03.06.17]», side om side med songar som ville passa som hand i silkehanske på kjende, «ferdige» Aphex Twin-album og -EP-ar, men kan hende har blitt valde bort under arbeidet med desse.
Leikent og spontant
Songane på samlinga har eit leikent og spontant preg, og medan enkelte hardbarka Aphex Twin-fans kan hende ikkje finn veldig mykje uhøyrt her, er dette eit framifrå og flytande utval raritetar – ei godt samansett plate som gir velbehag i øyrekanalane. Snilt gjort.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Elektronisk musikk
Aphex Twin:
Music From the Merch Desk (2016–2023)
Warp Records
Den britiske produsenten Richard D. James, ein pioner innan sjangeren IDM (intelligent dance music), har halde musikkproduksjonen gåande sidan 1988. Blant dei mange artistnamna hans er Aphex Twin det mest kjende, og det er liten – meir presist ingen – tvil om at dette er eit av dei aller mest profilerte namna innan elektronisk dansemusikk.
Music From the Merch Desk (2016–2023) er eit samlealbum med materiale frå såkalla merch-sal i samband med spesifikke Aphex Twin-konsertar – høve som etter kvart har blitt storhende av proporsjonar – og inneheld 38 spor med ei samla speletid på 155 minutt og 56 sekund. Her er det med andre ord ikkje ny musikk som blir servert, men musikk som likevel vil vere ny for dei fleste.
Røft og abstrakt
Spora har namn som «T69T07 stasspa+3 [London 03.06.17]», og klammeteikna indikerer på kva konsert fansen først hadde høve til å sikre seg materialet i avgrensa vinylsingelopplag.
Her står relativt røffe og abstrakte greier, til dømes den mjuke støysnutten «T47 smodge [London 03.06.17]» og den minimalistiske synthvoggesongen «sk8 littletune HS-PC202 [London 03.06.17]», side om side med songar som ville passa som hand i silkehanske på kjende, «ferdige» Aphex Twin-album og -EP-ar, men kan hende har blitt valde bort under arbeidet med desse.
Leikent og spontant
Songane på samlinga har eit leikent og spontant preg, og medan enkelte hardbarka Aphex Twin-fans kan hende ikkje finn veldig mykje uhøyrt her, er dette eit framifrå og flytande utval raritetar – ei godt samansett plate som gir velbehag i øyrekanalane. Snilt gjort.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Fleire artiklar
Familien Nerdrum ved garden i Stavern.
Foto: Agnete Brun / NRK
Ikkje alt er politikk
Politiseringa av Nerdrum-familien er påfallande i lys av kor upolitisk Nerdrum eigentleg er.
Torje Hommedal Knausgård tek mastergrad i fransk ved Universitetet i Oslo. Lea Marie Krona gjer det same i tysk. Dei har få å sitje i kollokviegruppe med.
Foto: Sigurd Arnekleiv Bækkelund
Framandspråka forsvinn
Tilgangen på framandspråk er større enn nokon gong. Likevel er det stadig færre som vil studere dei.
Teikning: May Linn Clement
Forgard i nord
Kan USA kome til å ta over Grønland med makt?
Rune Slagstad på veg inn til Finansdepartementet i november i fjor.
Foto: Dag og Tid
Fylgjene av konkurransestaten
Rune Slagstad syner korleis venstresida lenge har gløymt røtene og prinsippa sine. Der andre held seg til vande spor, gjenetablerer han vona om at vi kan finne ut av kva som er viktigast å diskutere.
Jean-Marie Le Pen døydde 7. januar, 96 år gamal.
Foto: Stephane Mahe / Reuters / NTB
Ein politisk krigar har falle
Jean-Marie Le Pen (1928–2025) vart ein nybrotsmann for all høgrepopulisme i dag.
Papiravisa