9. juni 1946 blei Ananda Mahidol (til venstre på biletet), betre kjend som Rama VIII av Siam, no Thailand, funnen død i senga si i eit palass i Bangkok. Han var 20 år gamal og hadde vore konge sidan han var ni. No var hadde han eit 9 millimeters kulehol i panna, om det herska og herskar ingen tvil. Men nett korleis det gjekk til, er eit heilt anna spørsmål, eitt som ein framleis frårådd å stilla i Thailand.

Rapporten frå åstaden er derimot klår: Kongen kunne knapt ha fyrt av skotet sjølv, for folk som skyt seg sjølv, gjer det ikkje slik, med venstre handa om pistolen når ein er høgrehendt. Sjølvmordarar råkar seg heller ikkje midt i panna, liggjande flatt på rygg i senga. Difor må ein annan ha trykt på avtrekkjaren. Den to år yngre broren og seinare tronfølgja Bhumibol Adulyadej, då kjend som prins Phumiphon Aduldet, hadde i det minste høve, for truleg var han i rommet då skotet fall. Men motiv hadde han ikkje, han hadde ingen ambisjonar om å bli konge, og dei to brørne var vel forlikte; ingen mistenkjer han for å vilja kongen vondt. Han blei korkje sikta eller dømd for verken drap på broren eller vådeskot.

Det blei derimot to av pasjane til kongen, Chit og But, attåt sekretæren hans, Chaleo Patoomros. Dei var ikkje eingong til stades då skotet fall, men vart straffa med dauden lell, som i Wessel-soga om smeden og bakaren. Case closed.

Såleis var det truleg berre Bhumibol Adulyadej sjølv som i dei 70 åra han sat på trona, kjende sanninga. Ho heldt han for sjølv til han døydde i fjor – som den høgvyrdaste av alle thaiar.

Jox