Ein annan oppfølgar som snart er å sjå på ein skjerm nær deg, er Karsten og Petra 6. Det begynte med ei bok (Karsten får ikke sove), og så kom det ei bok til (Petra begynner i barnehaven), og så kom det nærmare 30 bøker til. Så kom det ein film (Karsten og Petra blir bestevenner), og så kom Karsten og Petra på vinterferie) og fire til, og eg trur den sjette filmen skal heite Karsten og Petra begynner på ungdomsskulen. Deretter får vi sikkert Karsten og Petra begynner på vidaregåande, Karsten og Petra på Roskilde, Karsten og Petra blir studentar, Karsten og Petra lagar barn, Karsten og Petra giftar seg, Karsten og Petra får problem, Karsten og Petra skil seg, Karsten og Petra prøver igjen, og så vidare og vidare til verda nesten går under, omtrent som i Mission Impossible. (Det skulle ikkje forundre meg om vi til slutt får sjå Karsten og Petra blir zombiar.)

I alle fall: Rykta seier at Tom Cruise har ei gjesterolle i neste Karsten og Petra-film: Han har ein affære med mor til Petra, spelt av Janne Formoe. Ho har nemleg mellomnamnet Miriam. Ho er fødd i juli og kjem frå Kristiansand. Scientologikyrkja er dermed nøgd.