BILL. MERK. «TURAR I SKOG OG MARK»

Kul kar,

Ungkar,

Breibeint, trygg

Eigen gard,

Vaskar sjølv

Kokekar,

Manglar ikkje

Inventar,

– Nei visst.

Kul kar,

Bygdakar,

Fylgjer far sitt

Traktorfar

Syltar sjølv til

Eigen bar,

Veit kva som er

Ulvefar,

– Ja visst.

Kul kar,

Kraftkar,

Sterk og mjuk

Som bamsefar,

Ventar spent

På ærleg svar,

Er dei ei som

Vil bli par,

– Til sist.

UNDER EIN PALME

Ho var ei slik dame

du godt kunne ha levd med

under ein palme ei stund.

Ei slik som får ein billeg

sumarkjole frå Hennes

til å sjå ut som

haute saker frå Paris.

Ei med mjuke hender som

kan gje eit handblåst

champagneglas

det handlaget det fortener.

Ei som kan ta eit jordbær

mellom leppene

og få alle karar eg kjenner

til å kika raudnande i golvet.

Ei slik som du utan problem

kunne ha levd med

under ei palme ei stund.

Men frå der eg stod

skjøna eg at det ikkje

vart mi palme,

og i alle fall ikkje

på ei stund.

Men ho var ei slik dame.