COMEBACK

Hugsar du den gongen

du var veldig god,

den gong alle jubla

og jentene lo.

Hugsar du den gongen

du var veldig klar,

læraren nikka

då du gav han svar.

Hugsar du den gongen

du var veldig kjapp,

du gjekk på i bakken

og andremann glapp.

Hugsar du den gongen

du var veldig flott,

kordfløyelsjakka

kledde deg godt.

Hugsar du den gongen

du var veldig fjong,

du dansa og rocka

til kvar einaste song.

Hugsar du den gongen

du var veldig glad,

kanskje eit comeback

hadde vore bra?

HOI

Hoi, for ein kveld,

det vart verre enn sist.

Du ser rimeleg fin ut,

eg må ha brukt list.

Å for ein runde,

kvar trefte eg vel deg,

var det tidleg på kvelden

eller på heimatteveg?

Og du;

kva heiter du, baby?

Kva heiter du?

Eg er ikkje så dum

at eg ikkje forstår,

at me heilt sikkert hadde

det moro i går.

For der ligg du utslått

og hove’ mitt bankar,

det hjelper med cola,

men eg plagast av tankar.

Om;

kva heiter du, baby?

Kva heiter du?

Det er slik på kjøret,

du har ingen garanti

for kva som ein morgon

ligg på puta di.

Men ein rev slik som meg

han blir ikkje redd,

ein skal aldri sippa

over det som har skjedd.

Men;

kva heiter du, baby?

Kva heiter du?

Ungdommen visnar

og med whisky så fort.

Det er så mykje

eg skulle ha gjort.

Eit småbruk, ein åkerlapp

og ein liten på veg.

Viss eg droppar kjøret,

vil du gifta deg?

Og forresten;

kva heiter du, baby?

Kva heiter du?