Innsida kan melda at offensiven vår for å fremja god skiltkultur, gjer at mange av lesarane våre har vorte meir opptekne av korleis dei møter ulike bodskapar der ute i kvardagen.

Gode døme strøymer på, og vonleg kan det at Innsida set ljoset på skiltbruken, føra til eit endå meir opplyst samfunn for generasjonar som kjem etter oss.

Denne veka er det særleg ein plakat frå Voss som har festa seg hjå oss. Øl er absolutt kultur, og det vert understreka av meldinga på plakaten.

Me lyftar òg fram god dialektbruk på Ryfoss i Valdres, der den lokale skysstasjonen har ei melding både til køyrety og sjåfør.