Innsidas spalte om god skilting i samfunnet vil nok vera med oss i årevis frametter. Det skuldast sjølvsagt at dette er eit emne der ein aldri går tom for gode eller snodige eksempel. Innsida har denne gongen fått eit fint skilt frå Margrethe Larsen, som har funne verdas eldste Burger King. Allereie i 1883 var dei på plass i dei sjarmerande smågatene i sentrum av Stavanger. Tru om ikkje det var amerikafararar som tok med seg burgaren frå «over there»? Kan hende var sjølvaste Cleng Persson involvert? Innsida berre luftar årsakene, og freistar ikkje å finna noko svar.

Svar kjem det tydeleg frå «Vegsjefen». Han eller ho har ein autoritativ stil. Her er det berre å fylgja sjefen sine ord. Kven no det måtte vera?