Innsida har vore på rundreise for å sjå korleis skilting går føre seg om sumaren ute i verda. Det er slett ikkje småtteri ein finn, viss ein tek seg tid til å sjå på bodskapen folk ynskjer å formidla til oss som vandrar kvilelaust omkring.

At det er framtid i å halda seg med reine underklede, er nok ikkje noko nytt, men det vert på mange måtar tydelegare når det vert slått fast i eit skilt Innsida fann i Hong Kong. I Amerika vert det slått fast at det ikkje er smultringar i kinesisk mat. Inga donut er ikkje vanskeleg å vera samd i. Dessutan er amerikanarane veldig opptekne av å vera ærlege. Difor slår dei gjerne fast at maten du får servert på ei kro, kan vera svært farleg.

Me er litt meir avslappa på slikt, sjølv om Mattilsynet sikkert likar den amerikanske opne haldninga.