Mange innsidelesarar er sikkert ofte på reise og kjem att med kvitteringar dei ynskjer å få refundert hjå høgare makter: ein sjef eller kommunekasseraren.

Godtgjersle har i uminnelege tider vore eit vanskeleg område. I Kina sleit dei i mange år med svart økonomi (det gjer dei for så vidt enno), men for å retta opp tilhøve i den svart restaurantbransjen innførte dei kvitteringsblokker som innehavaren kunne bruka til dei som vil ha kvittering. Det fine med desse kvitteringane, som restauranten laut kjøpa hjå skattevesenet som ein slags førehandsskatt, var at dei var utstyrte med nummer, og at den som fekk kvitteringa, kunne vinna store pengepremiar i det statlege restaurantkvitteringslotteriet. Med eitt ville alle ha kvittering, og restaurantane måtte betala skatt.

Innsida var nyleg i Kina, og fekk denne rekninga etter eit godt måltid. Ho ligg enno til godkjenning i rekneskapsavdelinga.