Hekken

Av tidl. kokkelærling ved Mælands Hotel i Granvin, Ivar Nimme

På den andre sida av hekken,

nyfrisert plen, fine bed

nyfrisert kone med oppsett hår

blomar på forkledet

På den andre sida av hekken,

luktar det nykokt kaffi,

og bollar, jammen har dei baka bollar.

Duk på hagebordet og ute-porselen

På den andre sida av hekken

er det ryddig i garasjen

ikkje hol på hageslangen

eller rusten hagesaks

På den andre sida av hekken,

er dei sumarpynta, smiler mykje

Fælt å ha slike innpå seg

Ikkje bra for nabolaget

På denne sida av hekken,

Er det tid for ein dram.

Pappkrus.

Så var det den draumen, då

Det er den varme draumen

me alle ber på

at eg ein dag skal koma ridande

på ein skinande hest

heim til bygda, heim til fest

at knoppar skal bresta

at du skal gli over parketten

at du skal reisa deg

at du må reisa deg

at du og eg skal sigla inn i sumarnatta

til tonane frå

A whiter shade of pale.