I Syden budde eg på The Demon Hotel, eit hotell drive av demonar i nærmare 200 år og såleis eit av dei eldste hotella i Syden. Vi hadde eit fint, praktisk (om enn litt varmt) rom, med wi-fi og badekar og heilt utan den plagsame frukostserveringa, som ein må stå altfor tidleg opp for å få med seg, om ein ser på frukost som ein viktig ting i livet. Litt mystisk rasling om natta og nokre stirande, raude auge var til å leve med. Solsengene var også av god standard, og drinkane hadde behageleg mykje chili i seg. Ved utsjekkinga måtte ein berre fylle ut eit enkelt skjema der ein skulle krysse av på JA eller NEI om ein ville selje sjela si i bytte for å bli ein brukbar musikar. Så alt i alt eit hotell eg ikkje vil nøle med å anbefale til nærmast kven som helst. Og kanskje spesielt til sjeledonorar.