Yes, we have no bananas

Ei bananfluge

Virrar lett i det blå,

ho kikar til høgre,

ho kikar på skrå.

Skal tru om det er

Bananer å få?

Gje meg ei bru

Av tidl. Kokkelærling på
Mælnads Hotel i Granvin Ivar Nimme

Gje meg ei bru

Så tek eg ein tur

Heilt over fjorden

Til ein framand kultur

Gje meg ei bru

Ja, gje meg ei bru

Eg vil bort for å sjå

På folket der borte,

Kven dei liknar på?

Så gje meg ei bru

På hi sido bur folk

Det har eg sett

Dei er ikkje som oss

har det ikkje så lett

Dei har lenge fått lide

av å bu på feil side

Så gje meg ei bru

Kjekkast vil eg tru

Når me no har fått bru

Er for dei som bur der

Å koma hit for å sjå

kor fint det er her

Lam til Kina eller Afghanistan

Me har dumpa lammekjøt i Afghanistan. Det er naturlegvis trist. Særleg sidan norsk lam er i verdsklasse, men me lagar visst for mykje. Me klarar ikkje eta alt. Det høyrest rart ut. Det har lenge vore kjend at me lagar meir fisk enn me klarar eta. Då sel me han på verdsmarknaden. Ikkje dumpar han billig i u-land. Lammet vårt er reint og flott kjøt. Kanskje me burde selja det som den fine råvara det er? Australia gjer det. Dei får god pris for lammet sitt både i Russland og i Kina. Dei slår naturlegvis litt på stortomma og skryter av det, men det kan vel me òg?