Det er sjølvsagt ingen grunn til å reisa frå Noreg når ein har slike sumrar som den me no har fått. Vanlegvis er både sumrane varmare og vintrane kvitare i gamle dagar, men no er det neppe slik. Denne sumaren er betre enn alle gamle dagar til saman.

Når Innsida likevel slår eit slag for å sykla litt rundt på landsbygda i Frankrike, er det meir som eit tips om ei reise til hausten eller neste sumar.

Det er store opplevingar for den som likar både sykling, fransk landsbygd og vin å henta med å ta seg ein tur nedover og trilla rundt mellom dei små byane i Burgund.

Pensjonata, dei små hotella og herberga er mange. Prisane slett ikkje stive. Og trivelege kroer og brasseri er det i kvar lita grend.

Innsida fekk oppleva dette i april, då runden Puliugny – Mersault – Pommard – Beaune vart lagd under sykkelhjula på flotte stiar som er godt tilrettelagde for turistar.

Det er om mogeleg endå meir spanande når druene skal haustast ein gong i månadsskiftet august–september. Det er som med epla i Gvarv. Haustinga skjer 100 dagar etter bløminga.

Syklar er lette å få tak i. Turane er mange å velja i.

Burgund er for dei som likar fransk vin eit naturleg val, men og for dei som vil læra meir om fransk landbruk er det store opplevingar i vente. Her er det ikkje store slott med tilhøyrande vinmarker, men eit lappeteppe av åkrar som er delte av mange eigarar – eit resultat av den franske revolusjonen i 1789. Då måtte dei store landeigarane, kyrkja og adelen dela opp eigedomane sine. I tillegg kom Napoleons arvelov, som sa at alle arvingar skulle få like delar. Det gjorde at vinmarkene vart slike felles teigar.

Teigane er naturlegvis svært verdfulle i dag.

Midt i teigane ligg dei små triveleg landsbyane der ein kan finna innkvartering og eit glas, viss ein er av den sorten. Heile Burgund er ikkje meir enn 230 kilometer langt.

Bon voyage.