Trygg og god alderdom ?

Ikkje alle er like gode til beins, men mange vil likevel vera med å delta i selskapslivet. Særleg no når det er vakkert vêr og mykje triveleg servering utadørs. Knut Gunnar Larsen har lagt ut bilete av denne oppfinninga på internettet. Innsida ser fram til at ho kjem i produksjon og kanskje til og med er tilgjengeleg på bensinstasjonar i grisgrendte strok.

BETRE ENN FAR?

Eg har vorte ein fyr

med ei ekstra kanne bensin

i reserve

til grasklyppar min,

slik gjorde han far.

Men berre slapp av

eg er ein kulare kar

enn det far min var

Eg går på kontor

eg sit der til fire

skriv på ein pc

og tørkar på fliret,

nett så han far.

Men berre slapp av

eg er ein kulare kar

enn det far min var

For eigentleg likar eg rockemusikk,

og lekre blondiner,

actionfilmar med furious fart

og raske maskiner

og krutsterke drammar,

i små, tjukke glas,

som eg tømmer i eit køyr

på ville kalas

Men tida krev sitt

og lånet i banken

og dugnad

for idrott

og loppis

for skulen sin

amatør janitsjar

Så kvar har eg hamna?

Saka er klar

Eg er utan tvil,

nett so han far.