Tvilsam aktivitet i gamle fabrikkar

Ein del nedlagde fabrikkar har i den siste tida begynt å huse ein ny type industriverksemd, nemleg dataserverar som blir brukte til utvinning av den krypterte digitale valutaen bitcoin. Kva denne «utvinninga» går ut på, er komplett umogleg å forstå, men støyen frå serverane og viftene som trengst for å unngå overoppheting, er eit heilt reelt problem for naboane – dei klarer ikkje lenger å vera ute. Nokre tener seg rike på valutaen, og det er jo positivt, men ifølgje Dagens Næringsliv er utvinning av bitcoin svært forureinande. Kvar transaksjon bruker tilsvarande mykje straum som eit norsk hushald gjer på to veker. Bitcoinindustrien står for 0,32 prosent av verdas totale energiforbruk. Om det er sant, må det vera ein av verdas mest idiotiske forretningsidear.

Dårleg forretningsidé:

Å hamne i fengsel saman Tordis, hovudpersonen i Tredve dager i Sandefjord av Vigdis Hjorth.

Dårleg forretningsidé

Å laga ein app der ein plottar inn bærplassen sin.

Dårleg forretningsidé

Solcelledriven paraply

Dårleg forretningsidé:

Elektrisk øks

Dårleg forretningsidé:

Søndagsope ølutsal

Dårleg forretningsidé:

Hypokonder med legeskrekk

Dårleg forretningsidé:

Ladestasjon med straum frå aggregat

Dårleg forretningsidé:

Starte ei spesialforretning for grillutstyr og bålpanner sommaren 2018

God forretningsidé:

Starte eit luksushotell for eloverømfintlege der det korkje er straum, internett eller elektriske ljoskjelder