Det er Curt Rice, rektor ved Høgskolen i Oslo og Akershus, som seier dette til Dag og Tid. Han seier det er vanskeleg for han å svara på Claussens kritikk, fordi han som rektor òg er sekretær for universitetsstyret, der Claussen er varamedlem. Rice ynskjer ikkje å blande roller, men han kjem likevel med eit par kommentarar på eit generelt grunnlag om kritikken som har kome imot notatet.

– Dei kritiske røystene som har vist til notatet, har ikkje fått meg seg at det òg eksplisitt står: «for ansatte i undervisnings- og forskningsstillinger kreves gode ferdigheter i norsk og engelsk». Når vi utlyser stillingar internasjonalt, tyder det difor at det ikkje berre fører til internasjonal rekruttering. Den beste kandidaten til ein jobb vil ofte vera i Noreg, men av og til vil det kunne skje at den beste er i utlandet. Den personen finn vi berre om vi lyser ut stillingane våre internasjonalt.

– Korleis tek de omsyn til særnorske tilhøve ved slike utlysingar, til dømes omsyn til den norske velferdsstaten?

– Ja, det vil i nokre samanhengar sjølvsagt vera viktig. Då skal fagmiljøet presisere dette i utlysninga, og kravet vil då bli ein del av grunnlaget til vurdering av kandidatane, seier Curt Rice.