Musikk
Musikalsk mosaikk utan merkelappar
Komponist Knut Vaage utforskar klangar med eigenarta signatur. Han er aktuell med ei rekkje verk, plater, prisar og nominasjonar.
Knut Vaage er komponist og pianist utdanna frå Griegakademiet i Bergen, der han er busett.
Knut Vaage har aldri vilja plassera seg sjølv i ein tradisjon. Dette seier han trass i at han i studieåra som klassisk pianist lét seg inspirera av heile den modernistiske, klassiske tradisjonen.
Komponistar som Per Nørgård, Luigi Nono, Helmut Lachenmann og ulike norske komponistkollegaer har vore viktige for han. Desse er modernistar som har utvikla eigne speleteknikkar og reglar for både å bryta med og å byggja vidare på dei musikalske reglane som rådde då dei var unge. Dei la meir vekt på form, estetikk, eksperimentering og klangfargar enn på tonalitet.
Klang og byggjesteinar
I tillegg står impresjonismen og den franske tradisjonen sterkt, der særskilt raffinementet og det klanglege tiltalar Vaage. Impresjonismen har i musikken noko til felles med målarkunsten, der repetisjonar av små penselstrøk vert sette saman til eit dust bilete. Skala og små tema vert brukte som byggjesteinar, og klang vert lagd vekt på gjennom utstudert instrumentasjon og intrikate teksturar.
Vaage har òg vore oppteken av spektralskulen, der komponistane brukte og analyserte overtonerekkja, både strukturelt og innafor klangspekteret. Denne rekkja finst naturleg kring oss, og kan få avanserte klangar til å roe oss.
Prosjekt og prisar
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
