Syndig sommar
Francois Ozon er seg sjølv lik: ein lettbeint, pratsam og mørk fransk estetikar.
David (Benjamin Voisin) og Alexis (Felix Léfèvre) flørtar sommaren 1985.
Foto: Fidalgo Filmdistribusjon
DRAMA
Regi: François Ozon
Sommeren ’85
(Orig.tittel: Eté 85)
Med: Felix Léfèvre, Benjamin Voisin, Valeria Bruno Tedeschi
Kinofilm
Sola skin over Normandie på høgda av sommaren i 1985. Sekstenåringen Alexis (Léfèvre) kantrar aleine på segltur. David (Voisin) kjem til unnsetning. Den attenårige kjekkasen er handlekraftig og tek sin nye venn med heim til den overkjærlege mora (Tedeschi). Det er starten på ein vill vennskap.
Varmt og vent
Over bileta går vitnemålet til Alexis, som fortel om kva som leidde fram til at David døydde den sommaren. Morbide dragningar skakar autoritetar. Vissa om ein bekmørk slutt vakar i bakgrunnen. Likevel er filmen oppstemd. Tempoet er høgt. Forteljarstemma går frenetisk som berre fransk film kan tillate seg.
«In Between Days» med The Cure dansar florlett over den sommaren alt skjedde. Lyden av stemninga er så sentral at regissøren Francois Ozon visstnok bytta filmtittel til året singelen kom ut for å blidgjere Robert Smith.
Fargane veltar varmt mot ein. Alt ser så bra ut som berre ein skilsetjande sommar farga av minne og gamal 16-millimeterfilm kan gjere.
Lett på tråden
Lina mellom kameratskap og flørt er kort. Nokre tek lettare på det enn andre. Som ofte før siktar Ozon stilsikkert mot det pikant dramatiske med unge kroppar og seksuell spenning. Samstundes handlar det om at forteljaren styrer historia. Det er kjent tematikk for Ozon, handsama i lett tone.
Sommeren ‘85 er snart gløymd, men litt solfylt drama kan varme dei frankofile.
Håkon Tveit
Håkon Tveit er lektor i latinamerikansk kultur og historie ved Universitetet i Bergen og fast filmmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
DRAMA
Regi: François Ozon
Sommeren ’85
(Orig.tittel: Eté 85)
Med: Felix Léfèvre, Benjamin Voisin, Valeria Bruno Tedeschi
Kinofilm
Sola skin over Normandie på høgda av sommaren i 1985. Sekstenåringen Alexis (Léfèvre) kantrar aleine på segltur. David (Voisin) kjem til unnsetning. Den attenårige kjekkasen er handlekraftig og tek sin nye venn med heim til den overkjærlege mora (Tedeschi). Det er starten på ein vill vennskap.
Varmt og vent
Over bileta går vitnemålet til Alexis, som fortel om kva som leidde fram til at David døydde den sommaren. Morbide dragningar skakar autoritetar. Vissa om ein bekmørk slutt vakar i bakgrunnen. Likevel er filmen oppstemd. Tempoet er høgt. Forteljarstemma går frenetisk som berre fransk film kan tillate seg.
«In Between Days» med The Cure dansar florlett over den sommaren alt skjedde. Lyden av stemninga er så sentral at regissøren Francois Ozon visstnok bytta filmtittel til året singelen kom ut for å blidgjere Robert Smith.
Fargane veltar varmt mot ein. Alt ser så bra ut som berre ein skilsetjande sommar farga av minne og gamal 16-millimeterfilm kan gjere.
Lett på tråden
Lina mellom kameratskap og flørt er kort. Nokre tek lettare på det enn andre. Som ofte før siktar Ozon stilsikkert mot det pikant dramatiske med unge kroppar og seksuell spenning. Samstundes handlar det om at forteljaren styrer historia. Det er kjent tematikk for Ozon, handsama i lett tone.
Sommeren ‘85 er snart gløymd, men litt solfylt drama kan varme dei frankofile.
Håkon Tveit
Håkon Tveit er lektor i latinamerikansk kultur og historie ved Universitetet i Bergen og fast filmmeldar i Dag og Tid.
Fleire artiklar
Fårete blikk: Sjølvsagt ser maten din på deg. Korleis skulle han elles finne vegen til slaktehuset?
Foto: Wikimedia Commons
Sjølvsagt er vi ikkje dei einaste som har skjøna at hovudet til sauen er god mat.
Midtfjords: ein attraksjon Fylkesbaatane var åleine om.
Foto frå boka: Ole Fretheim
Friskt om ferjer
«Til og med bilar vart køyrde frå den eine ferja til den andre midt ute på fjorden.»
Det var ein emosjonell augneblink for unge Gukesh då VM-sigeren var klar.
Foto: Maria Jemeljanova / Fide
Gukesh den attande
Den 18. verdsmeisteren sidan 1886 er berre 18 år gamal, indaren Gukesh Dommaraju.
Stølspurka og dei to grisungane. Enno er alt berre velstand.
Alle foto: Svein Gjerdåker
Soga om stølspurka
Verdas mildaste purke var med på stølen. Det gjekk ikkje som planlagt.
Israelske soldatar på veg inn i nabolaget Shijaiyah i Gaza by for å fordrive fleire hundre palestinarar til ein ukjend stad nord på Gazastipa.
Foto: Moti Milrod / Haaretz / AP / NTB
Ramsalt kritikk av Israels krig i Gaza
Molok er ein page-turner med hendingar som skakar lesaren.
Papiravisa