Filmfjes

Filmfjeset Emelie Lindblom har premiere på kino denne helga med barneskrekkfilmen Rom 213. Den svenske regissøren vann hovudprisen på Barnefilmfestivalen i Kristiansand i vår. Filmen har tolv års aldersgrense og blei av juryen omtala som ein «gyselig god grøssarfilm for barn og ungdom». Handlinga er sett til ein sommarleir, der tolvåringen Elvira opplever uforklarlige hendingar. Heilt klart noko å vurdere for ein kinotur om du eller nokon nær deg er i alderssjiktet.

H.T.

Sjå på nett no

(Fire kjelder på Filmgrail) Den engelske skodespelaren Andy Serkis debuterer som regissør med kinoklare Breathe. Eg er skeptisk til søtlåtne drama med Andrew Garfield. Då spolar eg heller tilbake i katalogen på nærare hundre filmar med Serkis på rollelista. Mellom slaga som Gollum i Ringenes herre-filmar spelte Serkis Martin Hannett i 24 Hour Party People av Michael Winterbottom. Feiringa av Factory Records og klubben Hacienda i Manchester er ei fin reise med band som Joy Division, New Order og Stone Roses.

H.T.

Tre på topp:

Eg trur eg likar betre filmar med katt i tittelen enn filmar om kattar, sjølv om denne lista heller ikkje vart direkte heilhjarta.

Cat on a Hot Tin Roof (1958) Utmerkt filmatisering av Tennessee Williams’ utmerkte teaterstykke.

Cat Ballou (1965) Ganske tullete film, men kor tøff er vel ikkje Jane Fonda?

Sort kart, hvit katt (1958) OK, eg elskar ikkje denne filmen, men han slår enormt mange av dei andre som har katt i tittelen.

B.A.