Filmfjes

Werner Herzog, den mytebyggjande tyske regissøren, kjent for eit nihilistisk grunnsyn i filmar som Fitzcarraldo og Grizzly Man, vender seg mot TV-mediet. Herzog skal regissere Forlandia, ein komande serie om Henry Fords forsøk på å byggje eit samfunn i hjartet av Amazonas. Ikkje heilt ulik Fitzcarraldo, med andre ord. Den komande serien er ein adaptasjon av boka med same tittel frå 2009, som for første gong avdekte Fords ville idé.

S.Å.

Sjå på nett no

(hbonordic.com) I vinter tok eg opp att The Sopranos (1999–2007). Det har eg ikkje angra på, og no gjer eg meg klar for sjette og siste sesong av denne makelause serien (mellom VM-kampane, så klart). Kall meg attendeskodande, men å dykke inn i hovudet til Tony Soprano, mafiabossen som går til psykolog og har eit vanskeleg tilhøve til mora, er å bli mint på at den neste serien du berre må sjå, aldri når dei svimlande høgdene av Sopranos-stordom.

Tre på topp

Filmar der Steven Soderbergh ikkje har regi, men ei produsentrolle, som på Ocean’s 8.

1) Far from Heaven. Todd Haynes 2002. Denne Douglas Sirk-pastisjen er eit blendande vakkert melodrama med djupe kjensler og framifrå skodespel av Julianne More og to blad Dennis.

2) We Need to Talk About Kevin. Lynne Ramsay 2011. Ei typisk topp Tilda Swinton står i sentrum av denne djupt forstyrrande filmen med fantastisk fargebruk og totalt gyseleg mørker.

3) Citizenfour. Laura Poitras 2014. Oscarvinnaren om Edward Snowden er klassisk dokumentarfilm på sitt beste. Poitras har kameraet klart når historiske hendingar skjer.

H.T.