Lykke til Sverige

Rettane til Nei og atter nei av Nina Lykke, som tidlegare jobba som grafikar i avisa som du held i handa, er selde til det svenske forlaget Wahlström & Widstrand. Det melder Lykkes bokreiar, Oktober forlag. Forlag i andre land har alt sagt ja til Nei og atter nei, Polen og Tyskland, der boka, etter ein lang bodrunde, hamna på det prestisjetunge Nagel & Kimche. Samla opplag for Nei og atter nei er så langt på så mykje som 40.000 eksemplar i Noreg.

Forfattarar i ungdomen

Denne hausten kan du få eit innblikk i korleis kjende norske forfattarar uttrykte seg i barndoms- og ungdomstida. Fredag 13. oktober opnar Nasjonalbiblioteket ei utstilling med eit kuriøst og til tider overraskande materiale om ungdomslivet til store namn i bokheimen. Dei som står i sentrum er: Henrik Wergeland, Sigrid Undset, André Bjerke, Ebba Haslund og Cecilie Løveid.

Kjendisar skriv barnebøker

Tittelen viser til noko som visstnok har vorte eit problem i Storbritannia. Stendig fleire britiske kjendisar skriv barnebøker. Døme er skodespelar Jamie Lee Curtis, prinsesse Sarah Ferguson, komikar Ricky Gervais, fotballspelar Frank Lampard, artisten Sting og politikaren George Galloway. Alle har gjeve ut ei barnebok eller fleire. «Ordinære» forfattarar av barnebøker, som David Almond, tek det ille opp. Dei meiner dei blir skuva til sides.

ronny@dagogtid.no