Lyttarpris til Ole Robert Sunde

Ole Robert Sunde vann denne veka romanprisen til P2-lyttarane for boka Penelope er syk. Juryen sparar ikkje lovorda i grunngjevinga: «Et virkelig mesterverk. Her ligger en fantastisk glede i språket, det var en fryd å lese, noe som framstår som et kjempeparadoks siden det jo handler om en person som skal dø. En herlig og gripende roman.»

Nye ord på engelsk

Oxford Dictionary of English har nettopp kome ut i ei nyutgåve. Den oppdaterte utgåva inneheld meir enn hundre nye ord knytte til barneoppseding. Mellom dei nye orda dei skulle vurdere, finn vi nylagingar som «poonami» to «shitastrophy». Redaktørane seier til The Guardian at dei måtte til «Mumsnet», det engelske svaret på «babyverden.no», for å avgjera kva ord dei skulle ta inn. «Helicopter parenting» og «babymoon», men dei ovanfornemnde held dei enno utanfor.

Krossfest kjukling

Juritsen forlag har alt byrja å reklamere for påskekrim. Dei gjev ut ei bok med 17 krimnoveller, med bidrag frå mellom andre Unni Lindell og Gunnar Staalesen. Men omslaget på boka vekkjer debatt. Det er eit heller smaklaust bilete av ein kjukling som blir krossfest. «For oss er dette blasfemi», seier ein tilsett ved Vivo Lyngdal bokhandel til bok364.no. «Det er trist at enkelte kristne ikke har et mer moderne syn på det å tro enn fortsatt å ty til sensur og fornektelse», svarar forleggjar Arve Juritzen.

ronny@dagogtid.no