Mette Karlsvik ny festivalsjef i Oslo

Forfattaren Mette Karlsvik blir ny leiar for Norsk sakprosafestival i Oslo. 20. oktober i år arrangerer Norsk faglitterær forfatter- og oversetterforeningen (NFF) den sjette sakprosafestivalen på Litteraturhuset i Oslo. Litteraturfestivalen er godt etablert som ein av dei store litterære hendingane i haust. I fjor var nærmare 2000 publikummarar innom. Karlsvik ser fram til festivalarbeidet: «Jeg har tenkt å beruse. Jeg vil at folk skal kjenne beruselse gjennom å ha tilegnet seg ny kunnskap. For det er visstnok slik at hjernen utskiller endorfiner når de tilegner seg ny kunnskap, et menneske blir lykkelig når det har lært noe nytt», seier ho i ei pressemelding frå NFF.

Teatersjef for Nasjonal Samling

6. november 1942 vart Cally Monrad utnemnd til ny sjef for Det Norske Teatret. Cally Monrad er heilt ukjend for oss i dag. Men Monrad var før det kjend i Noreg som songarinne og forfattarinne. No kjem skodespelet om Monrad på det same teateret. I sin dramatikardebut diktar Ruth Lillegraven seg inn i tankane hennar. Historia om Cally Monrad svingar seg frå dei store høgder som superkjendis til eit historisk fall der skamma kasta skuggar over den siste delen av livet. Stykket har urpremiere på kvinnedagen 8. mars. Ingeborg Sundrehagen Raustøl skal gi liv til Det Norske Teatrets teatersjef i krigsåra.

ronny@dagogtid.no