Metodeskuggespel med filter
Yanyas tredje album er innovervendt og lite oppsiktsvekkjande.
Rock
Nilüfer Yanya:
My Method Actor
Ninja Tune
Den britiske songaren og gitaristen Nilüfer Yanyas tredje album, My Method Actor, går rett på sak med songen «Keep On Dancing». Ein kort vokalmelodi går på repeat med andre ord over røffe, nakne gitarar; all botn er filtrert – isolert – bort frå trommespelet; diverre spelar dei ikkje på lag i same lydbilete. Her manglar den mangetydige samanstillinga av harmoniar og stilelement som pregar mykje av Yanyas tidlegare arbeid.
Medan trommene snik seg eit hakk lenger fram i miksen på spor to, læt arrangementet spinkelt og overlest på same tid. Lydbiletet på songen, som heiter «Like I Say (I runaway)», er kaldt og tynt: Ein kan formeleg høyre at artist og produsent har jobba åleine med kvarandre, flykta og isolert seg frå omverda.
På tredjesporet «Method Actor» køyrer Yanya på med sine dissonante støygitarriff, og trommeslageriet vågar seg ut på meir kontant territorium. Dette gir eit frigjerande løft. Her kjem kombinasjonen av sørgmodig introversjon og sjenert aggresjon til sin rett: Yanyas ublyge bruk av atonalitet og vreng fungerer godt opp mot den djupe og luftige altstemma hennar, med fri intonasjon og laus diksjon. Her.
Dette er høgdepunktet på plata, og så fell ho saman att. Kombinasjonen av triphopliknande bakpå-beats og lag på lag med gitar og kammerpopstrykarar på «Ready For Sun (touch)» blir til eit kaos av for lite og for mykje på same tid. «Faith’s Late» flyktar desto lenger innover: Dette er ein einsam korsong om einsemd understøtta av pompøst, gnålete stryk.
Diverre er albumet dominert av ei kjensle av å sitje fast i ei hengemyr av usikker tenåringsangst. Kan hende er det metoden, produksjonsisolasjonen, som ikkje passar til verda slik ho er for tida. Kan hende har vi vore isolerte nok dette tiåret. Resultatet manglar iallfall djupne og resonans.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Rock
Nilüfer Yanya:
My Method Actor
Ninja Tune
Den britiske songaren og gitaristen Nilüfer Yanyas tredje album, My Method Actor, går rett på sak med songen «Keep On Dancing». Ein kort vokalmelodi går på repeat med andre ord over røffe, nakne gitarar; all botn er filtrert – isolert – bort frå trommespelet; diverre spelar dei ikkje på lag i same lydbilete. Her manglar den mangetydige samanstillinga av harmoniar og stilelement som pregar mykje av Yanyas tidlegare arbeid.
Medan trommene snik seg eit hakk lenger fram i miksen på spor to, læt arrangementet spinkelt og overlest på same tid. Lydbiletet på songen, som heiter «Like I Say (I runaway)», er kaldt og tynt: Ein kan formeleg høyre at artist og produsent har jobba åleine med kvarandre, flykta og isolert seg frå omverda.
På tredjesporet «Method Actor» køyrer Yanya på med sine dissonante støygitarriff, og trommeslageriet vågar seg ut på meir kontant territorium. Dette gir eit frigjerande løft. Her kjem kombinasjonen av sørgmodig introversjon og sjenert aggresjon til sin rett: Yanyas ublyge bruk av atonalitet og vreng fungerer godt opp mot den djupe og luftige altstemma hennar, med fri intonasjon og laus diksjon. Her.
Dette er høgdepunktet på plata, og så fell ho saman att. Kombinasjonen av triphopliknande bakpå-beats og lag på lag med gitar og kammerpopstrykarar på «Ready For Sun (touch)» blir til eit kaos av for lite og for mykje på same tid. «Faith’s Late» flyktar desto lenger innover: Dette er ein einsam korsong om einsemd understøtta av pompøst, gnålete stryk.
Diverre er albumet dominert av ei kjensle av å sitje fast i ei hengemyr av usikker tenåringsangst. Kan hende er det metoden, produksjonsisolasjonen, som ikkje passar til verda slik ho er for tida. Kan hende har vi vore isolerte nok dette tiåret. Resultatet manglar iallfall djupne og resonans.
Rasmus Hungnes
Rasmus Hungnes er kunstnar, musikar og fast musikkmeldar i Dag og Tid.
Fleire artiklar
Tekniske problem mellom Carlsen og Niemann.
Foto: Chess.com
Skandaleduellen
«Før Speed Chess Championship var eg 'gira'. Dette var så spanande som moderne sjakk kan vera.»
Kor mykje skal den enkelte forelder ha å seie over barnet? Spørsmålet er til vurdering når barnelova skal oppdaterast.
Foto: Sara Johannessen Meek / NTB
Flytterett eller vetorett?
Skal mor eller far kunne ta med seg barna og flytte langt bort etter eit samlivsbrot? Barne- og familiedepartementet vil gjere det vanskelegare for fleire, men møter motstand.
Den norske komponisten Sigurd Lie (1871–1904).
Klår kulokk
Der er både norsk og tysk nasjonalromantikk i Sigurd Lies romansar.
Gulrotsuppe med eit dryss graslauk og olivenolje.
Foto: Dagfinn Nordbø
Suppehimmelen
«Eg skjønar meg ikkje på kakebakst, for oppskriftene er så biskopstrenge, dei har lite slingringsmon for kreative påhitt.»
Jasmine Trinca i hovudrolla som Maria Montessori, som med ein ny pedagogikk la grunnlaget for montessoriskular over heile verda.
Foto: Another World Entertainment
Traust revolusjon
Det er null nytt i filmen om nyskapingane til Maria Montessori.