Groove og melodi hand i hand
Samspelet Kolve/Øien er den store bonusen på Polyostinat.
Ivar Kolve i aksjon på Vossa Jazz i 2014.
Foto: Knut Andersen / Wikipedia
Jazz
Ivar
Kolve:
Polyostinat
Ivar Kolve, vibrafon og marimba; Kåre Kolve, saksofonar; Jørn Øien, tangentinstrument; Ole Marius Sandberg, bass; Torstein Lofthus, trommer. Skaret Music SM04
Musikken skreiv Kolve til Vossa Jazz 2014. I april 2016 var bandet ute på turné, og eit utval frå opptaka av konsertane på Kabuso i Øystese og Bømlo kulturhus har blitt til denne CD-en. På urframføringa spelte Ellen Andrea Wang bass og Jarle Vespestad trommer.
Besetninga med vibrafon/marimba og piano er ikkje så vanleg, men ein har nokre ikoniske døme i jazzsoga, mellom andre Modern Jazz Quartet, Steps Ahead og Gary Burton/Keith Jarrett. Kolve har arrangert musikken slik at desse instrumenta ikkje går i vegen for kvarandre. Den Corea-inspirerte piano/marimba-duetten «Førebels rørsle» illustrerer poenget godt. Jørn Øien spelar også mykje elektroniske tangentinstrument. Det gjer den potensielle fallgruva lettare å unngå.
Kolve skriv melodiøst uansett tempo, og det svingar stort sett av det meste. Inspirasjon har han henta hjå nemnde Steps Ahead og 2000-tals Wayne Shorter. Balladen «Maslab Lotsirb» (Bristol Balsam baklengs) er eit nydeleg døme på sistnemnde, der broder Kåre Kolve spelar eit lyrisk og velformulert sopransakskor, og Øien følgjer fint opp på synth. Det er i grunn stas å lytta til Øien plata igjennom, men rosina i pølsa er pianokoret på «Laus boks».
Sandberg og Lofthus er tett på heile vegen, og det fungerer på sitt aller beste i låtane med raskt eller medium tempo. Hans Olav Molde har gjort ein framifrå jobb med opptaka. Her er nerve og intensitet, men også imponerande klarleik. Polyostinat fortener mange rundar i CD-spelaren.
Lars Mossefinn
Lars Mossefinn er lærar ved Voss gymnas og fast jazzmeldar
i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz
Ivar
Kolve:
Polyostinat
Ivar Kolve, vibrafon og marimba; Kåre Kolve, saksofonar; Jørn Øien, tangentinstrument; Ole Marius Sandberg, bass; Torstein Lofthus, trommer. Skaret Music SM04
Musikken skreiv Kolve til Vossa Jazz 2014. I april 2016 var bandet ute på turné, og eit utval frå opptaka av konsertane på Kabuso i Øystese og Bømlo kulturhus har blitt til denne CD-en. På urframføringa spelte Ellen Andrea Wang bass og Jarle Vespestad trommer.
Besetninga med vibrafon/marimba og piano er ikkje så vanleg, men ein har nokre ikoniske døme i jazzsoga, mellom andre Modern Jazz Quartet, Steps Ahead og Gary Burton/Keith Jarrett. Kolve har arrangert musikken slik at desse instrumenta ikkje går i vegen for kvarandre. Den Corea-inspirerte piano/marimba-duetten «Førebels rørsle» illustrerer poenget godt. Jørn Øien spelar også mykje elektroniske tangentinstrument. Det gjer den potensielle fallgruva lettare å unngå.
Kolve skriv melodiøst uansett tempo, og det svingar stort sett av det meste. Inspirasjon har han henta hjå nemnde Steps Ahead og 2000-tals Wayne Shorter. Balladen «Maslab Lotsirb» (Bristol Balsam baklengs) er eit nydeleg døme på sistnemnde, der broder Kåre Kolve spelar eit lyrisk og velformulert sopransakskor, og Øien følgjer fint opp på synth. Det er i grunn stas å lytta til Øien plata igjennom, men rosina i pølsa er pianokoret på «Laus boks».
Sandberg og Lofthus er tett på heile vegen, og det fungerer på sitt aller beste i låtane med raskt eller medium tempo. Hans Olav Molde har gjort ein framifrå jobb med opptaka. Her er nerve og intensitet, men også imponerande klarleik. Polyostinat fortener mange rundar i CD-spelaren.
Lars Mossefinn
Lars Mossefinn er lærar ved Voss gymnas og fast jazzmeldar
i Dag og Tid.
Fleire artiklar
Fårete blikk: Sjølvsagt ser maten din på deg. Korleis skulle han elles finne vegen til slaktehuset?
Foto: Wikimedia Commons
Sjølvsagt er vi ikkje dei einaste som har skjøna at hovudet til sauen er god mat.
Midtfjords: ein attraksjon Fylkesbaatane var åleine om.
Foto frå boka: Ole Fretheim
Friskt om ferjer
«Til og med bilar vart køyrde frå den eine ferja til den andre midt ute på fjorden.»
Det var ein emosjonell augneblink for unge Gukesh då VM-sigeren var klar.
Foto: Maria Jemeljanova / Fide
Gukesh den attande
Den 18. verdsmeisteren sidan 1886 er berre 18 år gamal, indaren Gukesh Dommaraju.
Stølspurka og dei to grisungane. Enno er alt berre velstand.
Alle foto: Svein Gjerdåker
Soga om stølspurka
Verdas mildaste purke var med på stølen. Det gjekk ikkje som planlagt.
Israelske soldatar på veg inn i nabolaget Shijaiyah i Gaza by for å fordrive fleire hundre palestinarar til ein ukjend stad nord på Gazastipa.
Foto: Moti Milrod / Haaretz / AP / NTB
Ramsalt kritikk av Israels krig i Gaza
Molok er ein page-turner med hendingar som skakar lesaren.
Papiravisa