Hamasyan i fusiondrakt
Publikumsyndling tek eit steg vekk frå folkemusikken.
Jazz
Tigran Hamasyan:
The Call Within
Nonesuch Records
Armenske Tigran Hamasyan (33) var ikkje gamle karen då han dukka opp på den europeiske festivalscenen tidleg etter tusenårsskiftet. Han blei raskt ein publikumsyndling. Det var godt forståeleg. Med virtuos teknikk og ein musikk klart rotfesta i den armenske folkemusikktradisjonen sjarmerte han eit stort jazzpublikum.
Hamasyan har synt at han dreg vekslar på andre inspirasjonskjelder også. Progrock har han sansen for, og på denne plata har han fått med seg gitaristen Tosin Abasin. På låten «Vortex» der Abasin er gjest, er det likevel fusionpåverknaden som er tydelegast. På store deler av plata er arven frå bandet Return to Forever (Al Di Meola-perioden) meir enn tydeleg. Her er fart og presisjon blitt opphøgja til estetisk ideal. På fleire kutt kombinerer han det impresjonistiske med det rigide og rocka. Kontrastane tilfører kvarandre lite eller inkje, men i «Space of Your Existence» utviklar Hamasyan ein etterlengta heilskap.
Best fungerer det i sakte tempo der Hamasyan er klangleg eksperimenterande, som i dei to altfor korte «At A Post-Historic Seashore» og «Old Maps» og høgdepunktet «Our Film». Hamasyan er ein spanande musikar, men The Call Within innfrir ikkje forventningane.
Lars Mossefinn
Lars Mossefinn er lærar ved Voss gymnas og fast jazzmeldar i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz
Tigran Hamasyan:
The Call Within
Nonesuch Records
Armenske Tigran Hamasyan (33) var ikkje gamle karen då han dukka opp på den europeiske festivalscenen tidleg etter tusenårsskiftet. Han blei raskt ein publikumsyndling. Det var godt forståeleg. Med virtuos teknikk og ein musikk klart rotfesta i den armenske folkemusikktradisjonen sjarmerte han eit stort jazzpublikum.
Hamasyan har synt at han dreg vekslar på andre inspirasjonskjelder også. Progrock har han sansen for, og på denne plata har han fått med seg gitaristen Tosin Abasin. På låten «Vortex» der Abasin er gjest, er det likevel fusionpåverknaden som er tydelegast. På store deler av plata er arven frå bandet Return to Forever (Al Di Meola-perioden) meir enn tydeleg. Her er fart og presisjon blitt opphøgja til estetisk ideal. På fleire kutt kombinerer han det impresjonistiske med det rigide og rocka. Kontrastane tilfører kvarandre lite eller inkje, men i «Space of Your Existence» utviklar Hamasyan ein etterlengta heilskap.
Best fungerer det i sakte tempo der Hamasyan er klangleg eksperimenterande, som i dei to altfor korte «At A Post-Historic Seashore» og «Old Maps» og høgdepunktet «Our Film». Hamasyan er ein spanande musikar, men The Call Within innfrir ikkje forventningane.
Lars Mossefinn
Lars Mossefinn er lærar ved Voss gymnas og fast jazzmeldar i Dag og Tid.
Fleire artiklar
Fårete blikk: Sjølvsagt ser maten din på deg. Korleis skulle han elles finne vegen til slaktehuset?
Foto: Wikimedia Commons
Sjølvsagt er vi ikkje dei einaste som har skjøna at hovudet til sauen er god mat.
Midtfjords: ein attraksjon Fylkesbaatane var åleine om.
Foto frå boka: Ole Fretheim
Friskt om ferjer
«Til og med bilar vart køyrde frå den eine ferja til den andre midt ute på fjorden.»
Det var ein emosjonell augneblink for unge Gukesh då VM-sigeren var klar.
Foto: Maria Jemeljanova / Fide
Gukesh den attande
Den 18. verdsmeisteren sidan 1886 er berre 18 år gamal, indaren Gukesh Dommaraju.
Stølspurka og dei to grisungane. Enno er alt berre velstand.
Alle foto: Svein Gjerdåker
Soga om stølspurka
Verdas mildaste purke var med på stølen. Det gjekk ikkje som planlagt.
Israelske soldatar på veg inn i nabolaget Shijaiyah i Gaza by for å fordrive fleire hundre palestinarar til ein ukjend stad nord på Gazastipa.
Foto: Moti Milrod / Haaretz / AP / NTB
Ramsalt kritikk av Israels krig i Gaza
Molok er ein page-turner med hendingar som skakar lesaren.
Papiravisa