Historisk Stan Getz
Det gneistrar av samspelet mellom Stan Getz og Roy Haynes.
Jazz
The
Stan Getz
Quartet:
Getz at
The Gate
Stan Getz, tenorsaks; Steve Kuhn, piano; John Neves, bass; Roy Haynes, trommer.VERVE B0029739-02
Ny kunnskap dukkar støtt og stadig opp, og soga må skrivast om, så også med jazzsoga – i dette tilfellet kapittelet om saksofonisten Stan Getz. I januar 1961 kom Getz attende til USA etter tre år i «eksil» i København. Han kontakta bassisten Scott LaFaro, og sistnemnde sette saman ein trio som etter kvart skulle omfatta Kuhn og Haynes i tillegg til han sjølv. Det siste dette bandet gjorde var ein konsert på Newport tre dagar før LaFaro døydde i ei bilulukke 6. juli.
John Neves tok plassen til LaFaro, og Getz gjorde to innspelingar med bandet dette året. Konserten på The Village Gate 26. november hadde det gått gjetord om, men først no kan ein høyra kva som gjekk føre seg denne haustkvelden på den legendariske New York-klubben. At bandet skulle låta så friskt og samspelt, hadde ein kanskje ikkje våga å vona på, men dette er altså året før Getz gav seg sambaen i vald, og han serverer den eine solistiske godbiten etter den andre – ofte i raskt tempo med Roy Haynes jagande bak. Heile kvartetten læt strålande, men aksen Getz–Haynes er noko for seg sjølv.
På dei to CD-ane er det mykje kjent for Getz-fans, men her er også låtar han berre har gjort på denne plata. Størstedelen av repertoaret er i medium eller raskt tempo. Det er ein fryd å høyra dei krystallklare ideane koma som perler på ei snor i låtar som «Airegin» og «It’s Alright with Me». Jazzåret 1961 har fått ein tilvekst å rekna med.
Lars Mossefinn
Lars Mossefinn er lærar ved Voss gymnas og fast jazzmeldar
i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz
The
Stan Getz
Quartet:
Getz at
The Gate
Stan Getz, tenorsaks; Steve Kuhn, piano; John Neves, bass; Roy Haynes, trommer.VERVE B0029739-02
Ny kunnskap dukkar støtt og stadig opp, og soga må skrivast om, så også med jazzsoga – i dette tilfellet kapittelet om saksofonisten Stan Getz. I januar 1961 kom Getz attende til USA etter tre år i «eksil» i København. Han kontakta bassisten Scott LaFaro, og sistnemnde sette saman ein trio som etter kvart skulle omfatta Kuhn og Haynes i tillegg til han sjølv. Det siste dette bandet gjorde var ein konsert på Newport tre dagar før LaFaro døydde i ei bilulukke 6. juli.
John Neves tok plassen til LaFaro, og Getz gjorde to innspelingar med bandet dette året. Konserten på The Village Gate 26. november hadde det gått gjetord om, men først no kan ein høyra kva som gjekk føre seg denne haustkvelden på den legendariske New York-klubben. At bandet skulle låta så friskt og samspelt, hadde ein kanskje ikkje våga å vona på, men dette er altså året før Getz gav seg sambaen i vald, og han serverer den eine solistiske godbiten etter den andre – ofte i raskt tempo med Roy Haynes jagande bak. Heile kvartetten læt strålande, men aksen Getz–Haynes er noko for seg sjølv.
På dei to CD-ane er det mykje kjent for Getz-fans, men her er også låtar han berre har gjort på denne plata. Størstedelen av repertoaret er i medium eller raskt tempo. Det er ein fryd å høyra dei krystallklare ideane koma som perler på ei snor i låtar som «Airegin» og «It’s Alright with Me». Jazzåret 1961 har fått ein tilvekst å rekna med.
Lars Mossefinn
Lars Mossefinn er lærar ved Voss gymnas og fast jazzmeldar
i Dag og Tid.
Fleire artiklar
Fårete blikk: Sjølvsagt ser maten din på deg. Korleis skulle han elles finne vegen til slaktehuset?
Foto: Wikimedia Commons
Sjølvsagt er vi ikkje dei einaste som har skjøna at hovudet til sauen er god mat.
Midtfjords: ein attraksjon Fylkesbaatane var åleine om.
Foto frå boka: Ole Fretheim
Friskt om ferjer
«Til og med bilar vart køyrde frå den eine ferja til den andre midt ute på fjorden.»
Det var ein emosjonell augneblink for unge Gukesh då VM-sigeren var klar.
Foto: Maria Jemeljanova / Fide
Gukesh den attande
Den 18. verdsmeisteren sidan 1886 er berre 18 år gamal, indaren Gukesh Dommaraju.
Stølspurka og dei to grisungane. Enno er alt berre velstand.
Alle foto: Svein Gjerdåker
Soga om stølspurka
Verdas mildaste purke var med på stølen. Det gjekk ikkje som planlagt.
Israelske soldatar på veg inn i nabolaget Shijaiyah i Gaza by for å fordrive fleire hundre palestinarar til ein ukjend stad nord på Gazastipa.
Foto: Moti Milrod / Haaretz / AP / NTB
Ramsalt kritikk av Israels krig i Gaza
Molok er ein page-turner med hendingar som skakar lesaren.
Papiravisa