Med eleganse og autoritet
Rigmor Gustafsson pustar liv i mainstreamglørne.
Jazz
Rigmor Gustafsson:
Come Home
Rigmor Gustafsson, vokal; Jonas Östholm, piano; Martin Höper, bass; Chris Montgomery, trommer; Margareta Bengtsson, harpe (4); Lisa Långbbacka, akkordeon (07). ACT 9737-2
Etterveksten etter vokaldronninga vår, Karin Krog, har vore meir markant enn ditto på svensk side av grensa med Monica Zetterlund som leiestjerne, men frå tid til anna blir ein mint om at det faktisk står ganske bra til på andre sida av kjølen – seinast med Rigmor Gustafssons siste på tyske ACT.
Mest sjølvlaga
Ein må attende til 2014 for å finna førre Gustafsson-utgjeving, When You Make Me Smile. Ho har ikkje hatt det travelt. Eitt av resultata er at plata inneheld eit knippe særmerkte komposisjonar av Gustafsson og medkomponistar/tekstforfattarar som har jobba med henne på tidlegare produksjonar. Ny samarbeidspartnar er Andreas Mattsson som har skrive tekst til tre av låtane. Sjølv om planen var å spela inn berre sjølvlaga stoff, har Gustafsson heldigvis gjort tre unnatak, «Big Yellow Taxi», «Twist in My Sobriety» og «Wuthering Hights». På dei to første set Gustafsson eit tydeleg bumerke.
Stålkontroll
Tekstane i den heimehekla delen av materialet står i ein Tin Pan Alley-tradisjon og er for det meste fort gløymde, men musikken og musiseringa har langt større slitestyrke. Dei fire hovudmusikarane har jobba saman i mange år. Dynamikk og arrangementsdetaljar har dei stålkontroll på. Pianotrioen går aldri i vegen for vokalen, men Östholm slepper til som solist fleire gonger, og det er utan unnatak eit pluss for plata.
Gustafsson har ikkje noka mektig stemme, men fraserer med usvikeleg rytmisk tryggleik og eleganse. Tekstane formidlar ho glasklart utan store fakter. Det er ein autoritet i uttrykket hennar ein berre må beundra.
Lars Mossefinn
Lars Mossefinn er lærar ved Voss gymnas og fast jazzmeldar
i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz
Rigmor Gustafsson:
Come Home
Rigmor Gustafsson, vokal; Jonas Östholm, piano; Martin Höper, bass; Chris Montgomery, trommer; Margareta Bengtsson, harpe (4); Lisa Långbbacka, akkordeon (07). ACT 9737-2
Etterveksten etter vokaldronninga vår, Karin Krog, har vore meir markant enn ditto på svensk side av grensa med Monica Zetterlund som leiestjerne, men frå tid til anna blir ein mint om at det faktisk står ganske bra til på andre sida av kjølen – seinast med Rigmor Gustafssons siste på tyske ACT.
Mest sjølvlaga
Ein må attende til 2014 for å finna førre Gustafsson-utgjeving, When You Make Me Smile. Ho har ikkje hatt det travelt. Eitt av resultata er at plata inneheld eit knippe særmerkte komposisjonar av Gustafsson og medkomponistar/tekstforfattarar som har jobba med henne på tidlegare produksjonar. Ny samarbeidspartnar er Andreas Mattsson som har skrive tekst til tre av låtane. Sjølv om planen var å spela inn berre sjølvlaga stoff, har Gustafsson heldigvis gjort tre unnatak, «Big Yellow Taxi», «Twist in My Sobriety» og «Wuthering Hights». På dei to første set Gustafsson eit tydeleg bumerke.
Stålkontroll
Tekstane i den heimehekla delen av materialet står i ein Tin Pan Alley-tradisjon og er for det meste fort gløymde, men musikken og musiseringa har langt større slitestyrke. Dei fire hovudmusikarane har jobba saman i mange år. Dynamikk og arrangementsdetaljar har dei stålkontroll på. Pianotrioen går aldri i vegen for vokalen, men Östholm slepper til som solist fleire gonger, og det er utan unnatak eit pluss for plata.
Gustafsson har ikkje noka mektig stemme, men fraserer med usvikeleg rytmisk tryggleik og eleganse. Tekstane formidlar ho glasklart utan store fakter. Det er ein autoritet i uttrykket hennar ein berre må beundra.
Lars Mossefinn
Lars Mossefinn er lærar ved Voss gymnas og fast jazzmeldar
i Dag og Tid.
Fleire artiklar
Fårete blikk: Sjølvsagt ser maten din på deg. Korleis skulle han elles finne vegen til slaktehuset?
Foto: Wikimedia Commons
Sjølvsagt er vi ikkje dei einaste som har skjøna at hovudet til sauen er god mat.
Midtfjords: ein attraksjon Fylkesbaatane var åleine om.
Foto frå boka: Ole Fretheim
Friskt om ferjer
«Til og med bilar vart køyrde frå den eine ferja til den andre midt ute på fjorden.»
Det var ein emosjonell augneblink for unge Gukesh då VM-sigeren var klar.
Foto: Maria Jemeljanova / Fide
Gukesh den attande
Den 18. verdsmeisteren sidan 1886 er berre 18 år gamal, indaren Gukesh Dommaraju.
Stølspurka og dei to grisungane. Enno er alt berre velstand.
Alle foto: Svein Gjerdåker
Soga om stølspurka
Verdas mildaste purke var med på stølen. Det gjekk ikkje som planlagt.
Israelske soldatar på veg inn i nabolaget Shijaiyah i Gaza by for å fordrive fleire hundre palestinarar til ein ukjend stad nord på Gazastipa.
Foto: Moti Milrod / Haaretz / AP / NTB
Ramsalt kritikk av Israels krig i Gaza
Molok er ein page-turner med hendingar som skakar lesaren.
Papiravisa