Sprelsk Emmeluth
Det fragmenterte heng så til dei grader saman.
Emmeluths Amoeba er leidd av den danske saksofonisten Signe Emmeluth.
Foto: Mathias Winther Kjeldsen
Jazz
Emmeluths Amoeba:
Chimaera
Signe Emmeluth, saksofon; Christian Balvig, piano; Karl Bjorå, gitar; Ole Mofjell, trommer. ØRA FONOGRAM OF 149
Dansk jazz kan skilta med fleire markante kvinnelege saksofonistar, og Signe Emmeluth tek ein sjølvsagt plass i den rekkja. Dei to platene Polyp (2018) og årets Chimaera på Øra Fonogram har imponert. Ho har verkeleg noko på hjartet og har funne medmusikantar som snakkar same språk.
Plata opnar og sluttar med solo saksofon. Introen hennar på «Squid Circles» er nærast ei programerklæring, der heilskapen stig fram tydlegare etter kvart som solopartiet skrid fram. I ensembledelen tek gitar og piano fatt i dei ulike delane Emmeluth introduserte i soloen. Kvartetten spelar ganske fritt saman og lagar eit flettverk av rytmiske figurar. Mykje av musikken går i støyretning, men luft og rom i musikken er der alltid. Bjorå er fabelaktig i å utnytta instrumentet i alle sine fasettar og er med det med på å gje musikken skiftande karakter – ofte på minimalistisk vis.
I enkelte tilfelle er komposisjonen noko meir enn eit utgangspunkt for improvisasjon. «Lyons» er sett saman av intrikate linjer og brå skifte. Likevel tek bandet låten ut i ein skikkeleg improvisatorisk «tour de force» med Emmeluth og Mofjell i førarsetet. Tittelsporet er ei ettertenksam og klangleg fasinerande sak som viser spennet til dette bandet og ditto i Signe Emmeluths musikalske univers. Absolutt julemusikk – om ikkje av det tradisjonelle slaget.
Lars Mossefinn
Lars Mossefinn er lærar ved Voss gymnas og fast jazzmeldar
i Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz
Emmeluths Amoeba:
Chimaera
Signe Emmeluth, saksofon; Christian Balvig, piano; Karl Bjorå, gitar; Ole Mofjell, trommer. ØRA FONOGRAM OF 149
Dansk jazz kan skilta med fleire markante kvinnelege saksofonistar, og Signe Emmeluth tek ein sjølvsagt plass i den rekkja. Dei to platene Polyp (2018) og årets Chimaera på Øra Fonogram har imponert. Ho har verkeleg noko på hjartet og har funne medmusikantar som snakkar same språk.
Plata opnar og sluttar med solo saksofon. Introen hennar på «Squid Circles» er nærast ei programerklæring, der heilskapen stig fram tydlegare etter kvart som solopartiet skrid fram. I ensembledelen tek gitar og piano fatt i dei ulike delane Emmeluth introduserte i soloen. Kvartetten spelar ganske fritt saman og lagar eit flettverk av rytmiske figurar. Mykje av musikken går i støyretning, men luft og rom i musikken er der alltid. Bjorå er fabelaktig i å utnytta instrumentet i alle sine fasettar og er med det med på å gje musikken skiftande karakter – ofte på minimalistisk vis.
I enkelte tilfelle er komposisjonen noko meir enn eit utgangspunkt for improvisasjon. «Lyons» er sett saman av intrikate linjer og brå skifte. Likevel tek bandet låten ut i ein skikkeleg improvisatorisk «tour de force» med Emmeluth og Mofjell i førarsetet. Tittelsporet er ei ettertenksam og klangleg fasinerande sak som viser spennet til dette bandet og ditto i Signe Emmeluths musikalske univers. Absolutt julemusikk – om ikkje av det tradisjonelle slaget.
Lars Mossefinn
Lars Mossefinn er lærar ved Voss gymnas og fast jazzmeldar
i Dag og Tid.
Fleire artiklar
Fårete blikk: Sjølvsagt ser maten din på deg. Korleis skulle han elles finne vegen til slaktehuset?
Foto: Wikimedia Commons
Sjølvsagt er vi ikkje dei einaste som har skjøna at hovudet til sauen er god mat.
Midtfjords: ein attraksjon Fylkesbaatane var åleine om.
Foto frå boka: Ole Fretheim
Friskt om ferjer
«Til og med bilar vart køyrde frå den eine ferja til den andre midt ute på fjorden.»
Det var ein emosjonell augneblink for unge Gukesh då VM-sigeren var klar.
Foto: Maria Jemeljanova / Fide
Gukesh den attande
Den 18. verdsmeisteren sidan 1886 er berre 18 år gamal, indaren Gukesh Dommaraju.
Stølspurka og dei to grisungane. Enno er alt berre velstand.
Alle foto: Svein Gjerdåker
Soga om stølspurka
Verdas mildaste purke var med på stølen. Det gjekk ikkje som planlagt.
Israelske soldatar på veg inn i nabolaget Shijaiyah i Gaza by for å fordrive fleire hundre palestinarar til ein ukjend stad nord på Gazastipa.
Foto: Moti Milrod / Haaretz / AP / NTB
Ramsalt kritikk av Israels krig i Gaza
Molok er ein page-turner med hendingar som skakar lesaren.
Papiravisa