Sterke meldingar
Naissam Jalal spleiser John Coltrane og Midtausten.
Jazz
Naissam Jalal & Rhythms of Resistance:
Un autre monde
CD 1: Naissam Jalal, fløyte, ney og vokal; Mehdi Chaib, tenor- og sopransaks og qraqeb; Karsten Hochapfel, gitar og cello; Daniel Varaillon, bass og Arnaud Dolmen. CD 2: Som CD 1 + L’Orchestre National de Bretagne, dir. Zahia Ziouani. CDS 238930
Den franske fløytisten, komponisten og orkesterleiaren Naissam Jalal har syrisk bakgrunn. Dette gjorde at ho la noko av musikkutdanninga si til Damaskus, men etter nokre år var ho lei den nærgåande overvakinga til Assad-regimet og heldt fram i Egypt.
Musikken hennar er sterkt prega av impulsane ho fekk frå studieåra i Midtausten. I 2011 danna ho bandet Rhythms of Resistance, og dette bandet har vore eit haldepunkt i ein elles omflakkande musikarkarriere.
Kvintettplata er spelt inn i studio i fjor sommar, medan orkesterplata er henta frå to konsertopptak for vel eit år sidan. Musikken er ein miks av post-Coltrane-jazz og arabisk musikk. Både det melodiske og det rytmiske er sterkt arabiskinspirert. Det kan ein også seia om mykje av frasane til både Naissam og Chaib.
Kvintettplata er den mest interessante fordi det tette samspelet og dei mange fine arrangementsdetaljane kjem så klart til sin rett. «Buleria Sarkhat Al Ard» har ei magisk opning som ein må attende til Dave Hollands «Conference of The Birds» for å finna maken til. «Hymne à la noix» er ein låt sterkt inspirert av Coreas første utgåve av Return to Forever. Det sterkaste inntrykket gjev likevel dei fire siste spora. Dei har alle eit sterkt meditativt preg, og her er Jalal på sitt mest djuptpløyande.
L’Orchestre National de Bretagne kunne sikkert med litt meir tid fått meir ut av arrangementa til Jalal, men ho har eit stykke veg å gå som arrangør og orkestrator. Her blir musikken boren oppe av sterke solistiske meldingar. Spesielt Jalal sjølv har alltid noko viktig på hjartet. Det er all grunn til å følgja med på Naissam Jalal frametter.
Lars Mossefinn
Lars Mossefinn er lærar ved Voss gymnas og fast jazzmeldar i
Dag og Tid.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Jazz
Naissam Jalal & Rhythms of Resistance:
Un autre monde
CD 1: Naissam Jalal, fløyte, ney og vokal; Mehdi Chaib, tenor- og sopransaks og qraqeb; Karsten Hochapfel, gitar og cello; Daniel Varaillon, bass og Arnaud Dolmen. CD 2: Som CD 1 + L’Orchestre National de Bretagne, dir. Zahia Ziouani. CDS 238930
Den franske fløytisten, komponisten og orkesterleiaren Naissam Jalal har syrisk bakgrunn. Dette gjorde at ho la noko av musikkutdanninga si til Damaskus, men etter nokre år var ho lei den nærgåande overvakinga til Assad-regimet og heldt fram i Egypt.
Musikken hennar er sterkt prega av impulsane ho fekk frå studieåra i Midtausten. I 2011 danna ho bandet Rhythms of Resistance, og dette bandet har vore eit haldepunkt i ein elles omflakkande musikarkarriere.
Kvintettplata er spelt inn i studio i fjor sommar, medan orkesterplata er henta frå to konsertopptak for vel eit år sidan. Musikken er ein miks av post-Coltrane-jazz og arabisk musikk. Både det melodiske og det rytmiske er sterkt arabiskinspirert. Det kan ein også seia om mykje av frasane til både Naissam og Chaib.
Kvintettplata er den mest interessante fordi det tette samspelet og dei mange fine arrangementsdetaljane kjem så klart til sin rett. «Buleria Sarkhat Al Ard» har ei magisk opning som ein må attende til Dave Hollands «Conference of The Birds» for å finna maken til. «Hymne à la noix» er ein låt sterkt inspirert av Coreas første utgåve av Return to Forever. Det sterkaste inntrykket gjev likevel dei fire siste spora. Dei har alle eit sterkt meditativt preg, og her er Jalal på sitt mest djuptpløyande.
L’Orchestre National de Bretagne kunne sikkert med litt meir tid fått meir ut av arrangementa til Jalal, men ho har eit stykke veg å gå som arrangør og orkestrator. Her blir musikken boren oppe av sterke solistiske meldingar. Spesielt Jalal sjølv har alltid noko viktig på hjartet. Det er all grunn til å følgja med på Naissam Jalal frametter.
Lars Mossefinn
Lars Mossefinn er lærar ved Voss gymnas og fast jazzmeldar i
Dag og Tid.
Fleire artiklar
Teikning: May Linn Clement
«Jan Ansgar har levd lenge i trua på at han kan finne mandelen like godt som alle andre.»
Foto: Flamme Forlag
Eit dikt om honning
Honningen – flytande, glitrande, gul som sollyset – er både kvardagsleg og heilag.
Fårete blikk: Sjølvsagt ser maten din på deg. Korleis skulle han elles finne vegen til slaktehuset?
Foto: Wikimedia Commons
Sjølvsagt er vi ikkje dei einaste som har skjøna at hovudet til sauen er god mat.
Midtfjords: ein attraksjon Fylkesbaatane var åleine om.
Foto frå boka: Ole Fretheim
Friskt om ferjer
«Til og med bilar vart køyrde frå den eine ferja til den andre midt ute på fjorden.»
Det var ein emosjonell augneblink for unge Gukesh då VM-sigeren var klar.
Foto: Maria Jemeljanova / Fide
Gukesh den attande
Den 18. verdsmeisteren sidan 1886 er berre 18 år gamal, indaren Gukesh Dommaraju.
Papiravisa