Den merksame lesaren har kanskje merka seg at det ikkje finst kontroversielle forslag knytte til kjøtproduksjon og kjøtforbruk i landbruksstrategiane frå EU-kommisjonen. Sjølv om både feilernæring, overvekt og kosthald blir sett i samanheng med verdshelsa, blir det ikkje presentert noko forslag om å ete maksimum 14 gram kjøt per dag eller noko i den retning.

Her kan det vere verdt å nemne at det nokre veker før lansering blei leke ut at kommisjonen vurderte å slutte å finansiere kjøt med EU-pengar. Forslaget overlevde ikkje reaksjonane, og organisasjonar som WWF og Greenpeace beklagar at ikkje strategiane kjem med sterkare lut for å gjere noko med det dei omtalar som overforbruk av kjøt.

«EU-kommisjonen seier at kjøt skader klimaet og naturen, men gjer ingenting med det», skriv Greenpeace i ein reaksjon.

U-svingen i tiltak knytte til å redusere kjøtforbruk og -produksjon indikerer press i siste liten frå kjøtindustrien og deira allierte i kommisjonen, skriv organisasjonen vidare.