Sparing
I 2015 kosta ein pose med Toros betasuppe, nei, ho er ikkje særleg god, men ungane liker henne, 8,90. No kostar nett den same posen 27,90. Eit lite speltbrød som i vår kosta 30 kroner på Meny, er kome opp i 54 kroner. Det er eit eller anna heilt feil der ute. Det handlar sjølvsagt om tollvernet. Og nei, det hjelper ikkje om regjeringa får gjennom at alle matvarekjedene får lik innkjøpspris, som regjeringa vil. Det kjem til å auka prisane sterkt av di innkjøparane då ikkje har noko incitament for å få ned innkjøpsprisen.
Det er likevel noko du kan gjera. Eg kjenner meg litt liten når eg gjer det, men eg gjer det likevel. Du skal verta medlem av Coop og Trumf-medlem hos Norgesgruppen, og du skal lasta ned Æ-appen til Rema 1000. I tillegg skal du kvar sundag kveld gå inn på heimesidene til alle matvarekjedene og undermerka deira: Matkroken, Extra, Mega, Meny, Kiwi, Joker, Rema, Spar. Du skal gå inn på absolutt alle!
Det du må innsjå, er at alt, absolutt alt, sett vekk frå alkohol og tobakk, før eller seinare kjem på tilbod. Tak berre Meny denne veka: Den beste basen for pastasaus er det Mutti som har. 400 gram kostar til vanleg 50 kroner på Meny. Denne veka var prisen 20 kroner. Slikt varer evig uopna. Eg kjøpte ni glas.
Samstundes, på Mega, var Muttis knuste tomatar, som der kostar 27 kroner til vanleg, berre 10 kroner. Men finast av alt, dei beste fiskeburgarane som er der ute, Lofotmannens cilie, bacon og ost, som til vanleg kostar 180 kroner kiloen, kosta denne veka berre 80 kroner på Meny.
Eg har alt gjort unna mykje av jolehandelen. Eg har kjøpt inn to kilo ost. Ost varer evig og vert betre etter utløpsdatoen. Eg har kjøpt min til halv pris. Eg har i tillegg kjøpt inn to kilo sjokolade frå Rema, som hadde ein spesialkampanje. Alt dette fann eg ved å gå inn på heimesidene.
Men det luraste du kan gjera, er å gå til disken for datomerking. Kan du gå om føremiddagen, finn du støtt og stadig fisk og kjøt til ein særs rimeleg penge. Eg har rundt 15 kilo av slikt i dei tre frysarane eg har.
Og no kjem poenget: I år skal du ynskja deg frysar til jol!
JH
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
I 2015 kosta ein pose med Toros betasuppe, nei, ho er ikkje særleg god, men ungane liker henne, 8,90. No kostar nett den same posen 27,90. Eit lite speltbrød som i vår kosta 30 kroner på Meny, er kome opp i 54 kroner. Det er eit eller anna heilt feil der ute. Det handlar sjølvsagt om tollvernet. Og nei, det hjelper ikkje om regjeringa får gjennom at alle matvarekjedene får lik innkjøpspris, som regjeringa vil. Det kjem til å auka prisane sterkt av di innkjøparane då ikkje har noko incitament for å få ned innkjøpsprisen.
Det er likevel noko du kan gjera. Eg kjenner meg litt liten når eg gjer det, men eg gjer det likevel. Du skal verta medlem av Coop og Trumf-medlem hos Norgesgruppen, og du skal lasta ned Æ-appen til Rema 1000. I tillegg skal du kvar sundag kveld gå inn på heimesidene til alle matvarekjedene og undermerka deira: Matkroken, Extra, Mega, Meny, Kiwi, Joker, Rema, Spar. Du skal gå inn på absolutt alle!
Det du må innsjå, er at alt, absolutt alt, sett vekk frå alkohol og tobakk, før eller seinare kjem på tilbod. Tak berre Meny denne veka: Den beste basen for pastasaus er det Mutti som har. 400 gram kostar til vanleg 50 kroner på Meny. Denne veka var prisen 20 kroner. Slikt varer evig uopna. Eg kjøpte ni glas.
Samstundes, på Mega, var Muttis knuste tomatar, som der kostar 27 kroner til vanleg, berre 10 kroner. Men finast av alt, dei beste fiskeburgarane som er der ute, Lofotmannens cilie, bacon og ost, som til vanleg kostar 180 kroner kiloen, kosta denne veka berre 80 kroner på Meny.
Eg har alt gjort unna mykje av jolehandelen. Eg har kjøpt inn to kilo ost. Ost varer evig og vert betre etter utløpsdatoen. Eg har kjøpt min til halv pris. Eg har i tillegg kjøpt inn to kilo sjokolade frå Rema, som hadde ein spesialkampanje. Alt dette fann eg ved å gå inn på heimesidene.
Men det luraste du kan gjera, er å gå til disken for datomerking. Kan du gå om føremiddagen, finn du støtt og stadig fisk og kjøt til ein særs rimeleg penge. Eg har rundt 15 kilo av slikt i dei tre frysarane eg har.
Og no kjem poenget: I år skal du ynskja deg frysar til jol!
JH
Fleire artiklar
Takumi (Hitoshi Omika) og dottera Hana (Ryo Nishikawa) lever eit roleg liv på bygda, som no kan få ein «glampingplass».
Foto: Another World Entertainment
Djevelen i detaljane
By mot land er eit sentralt tema i endå ein framifrå film av Ryusuke Hamaguchi.
Ingrid Storholmen har teke utgangspunkt i eit stort datamateriale om folkehelsa i Nord-Trøndelag.
Foto: Merete Haseth
Våren over mannalivet
Ingrid Storholmen gjer tørre helsedata om til levande liv i Bloddråpetall.
Finaste finnbiffen med grøne erter, potet og tyting.
Foto: Dagfinn Nordbø
Finaste finnbiffen
«Seier eg at eg skal invitere på finnbiff, blir folk berre glade. Dei veit at dei skal få smake noko av det beste landet vårt har å by på av ingrediensar, med reinkjøt som helten.»
Teikning: May Linn Clement
Krigen er ei ufatteleg ulukke for Ukraina. Men også for Russland er det som skjer, ein katastrofe.
Tusen dagar med russisk katastrofe
Jens Stoltenberg gjekk av som generalsekretær i Nato 1. oktober. No skal han leie styringsgruppa for Bilderberg-møta.
Foto: Thomas Fure / NTB
Mingleklubben for makt og pengar
Jens Stoltenberg blir partyfiksar for Bilderberg-møta, ein institusjon meir i utakt med samtida enn nokon gong.
Papiravisa