Vy!
Eg veit ikkje kva eg vil med denne petiten utover å klaga. Men klaga vil eg! Sett vekk frå Ofotbanen, som er hyperlønsam, og som Vy heldigvis ikkje har noko som helst med å gjera, for elles hadde han gått med enorme underskot, er lokaltogstrekninga mellom Lillestrøm og Asker Noregs mest lønsame. Det er eit enormt tal på menneske som tek toga den strekninga kvar dag. Eg har til og med sett ministrar, rett nok aldri samferdselsministrar, på toga som går der.
Kva gjer du som seljar når du har ein spesielt god og lønsam kunde? Du gjev sjølvsagt så god service som råd er. Og leiger du lokale på ei tomt som gjer at du får særmerkt mange kundar, syter du for at huseigaren får betalinga, punktleg og fast.
Planen var at Asker–Lillestrøm skulle setjast ut på tilbod, men for å halda LO nøgde, skrota regjeringa Støre den prosessen. Dei lét vera å leiga ut den mest lønsame tomta til den som ville betala mest. I staden gav dei tomta til butikkeigaren frå helvete.
Ja, eg talar om Vy, som elles er ein hån av eit namn. Selskapet burde heita Hallusinasjon eller noko i den gata. Det er mogleg at dei tilsette trur dei er ein del av eit togselskap, men alle som tek tog på strekninga, veit at det er ei vrangførestilling som elles i samfunnet hadde ført til tung medisinering.
Etter at vi fekk covid-19, har eg slutta å fara på arbeid når eg er i Asker. Men av og til må eg berre bita i det sure eplet. I dag skulle eg til tannlækjaren. Klok av skade tok eg eit tog som gjekk to timar før eg hadde avtalen. Frå dør til dør skal turen taka 29 minutt. Eg rakk timen akkurat.
I september var eg med på Debatten i NRK og tok toget. Kringkastingssjefen er framleis sur for taxirekninga eg presenterte.
I ein stille protest løyste eg ikkje billett då eg i fjor vår skulle på jobbseminar, som alltid er satans tarmsaft. Den dagen var toget presist. Det er ei straff for alt. Eg fekk dessutan bot.
– Er du ikkje flau over å krevja inn bøter på vegner av eit selskap som er notorisk upåliteleg, spurde eg billettkontrolløren.
– Eg gjer berre arbeidet mitt.
Han må vera ein av få i Vy.
JH
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Eg veit ikkje kva eg vil med denne petiten utover å klaga. Men klaga vil eg! Sett vekk frå Ofotbanen, som er hyperlønsam, og som Vy heldigvis ikkje har noko som helst med å gjera, for elles hadde han gått med enorme underskot, er lokaltogstrekninga mellom Lillestrøm og Asker Noregs mest lønsame. Det er eit enormt tal på menneske som tek toga den strekninga kvar dag. Eg har til og med sett ministrar, rett nok aldri samferdselsministrar, på toga som går der.
Kva gjer du som seljar når du har ein spesielt god og lønsam kunde? Du gjev sjølvsagt så god service som råd er. Og leiger du lokale på ei tomt som gjer at du får særmerkt mange kundar, syter du for at huseigaren får betalinga, punktleg og fast.
Planen var at Asker–Lillestrøm skulle setjast ut på tilbod, men for å halda LO nøgde, skrota regjeringa Støre den prosessen. Dei lét vera å leiga ut den mest lønsame tomta til den som ville betala mest. I staden gav dei tomta til butikkeigaren frå helvete.
Ja, eg talar om Vy, som elles er ein hån av eit namn. Selskapet burde heita Hallusinasjon eller noko i den gata. Det er mogleg at dei tilsette trur dei er ein del av eit togselskap, men alle som tek tog på strekninga, veit at det er ei vrangførestilling som elles i samfunnet hadde ført til tung medisinering.
Etter at vi fekk covid-19, har eg slutta å fara på arbeid når eg er i Asker. Men av og til må eg berre bita i det sure eplet. I dag skulle eg til tannlækjaren. Klok av skade tok eg eit tog som gjekk to timar før eg hadde avtalen. Frå dør til dør skal turen taka 29 minutt. Eg rakk timen akkurat.
I september var eg med på Debatten i NRK og tok toget. Kringkastingssjefen er framleis sur for taxirekninga eg presenterte.
I ein stille protest løyste eg ikkje billett då eg i fjor vår skulle på jobbseminar, som alltid er satans tarmsaft. Den dagen var toget presist. Det er ei straff for alt. Eg fekk dessutan bot.
– Er du ikkje flau over å krevja inn bøter på vegner av eit selskap som er notorisk upåliteleg, spurde eg billettkontrolløren.
– Eg gjer berre arbeidet mitt.
Han må vera ein av få i Vy.
JH
Fleire artiklar
Trea vil fortelje meg noko, skriv Ranveig Lovise Bungum.
Foto: Trond Mjøs
Kva ospa og dei andre trea kan fortelje oss
Anders Hovden.
Foto via Wikimedia Commons
Hovdens fredssalme
I 1923 sende Anders Hovden salmen «Joleklokker yver jordi» til bladet Under Kirkehvælv, der han kom på trykk same året.
I kvardagen kan det verte litt stress, til dømes får du ikkje den grøne pynten heilt perfekt. Men her er den herlege tomatsuppa mi med skrei.
Foto: Dagfinn Nordbø
Kvardagen
Det er dei det er flest av, kvardagane.
Teikning: May Linn Clement
Det skulle berre mangla
Det er nok ikkje manglande hjartelag som gjer at folk er interesserte i ord.
Språkrådet har kåra «beredskapsvenn» til årets nyord. Direktør i Språkrådet Åse Wetås seier det var eit openbert val.
Foto: Mariam Butt / NTB
Eit bilete på året som har gått
Språkdirektør Åse Wetås synest årets nyord er godt. At nye ord har stor påverknad, er fjorårets nyord, KI-generert, eit døme på.
Papiravisa