Ekspedisjonar

1. Kva heiter den kanadiske filmskaparen (f. 1954) som i tillegg til å vinne tre Oscar-statuettar, var den fyrste til å dykke åleine ned til verdas djupaste havdjup med ein spesialbygd ubåt?

2. Kva heiter sjøfararen og oppdagaren som vart drepen på Hawaii i 1779?

3. Kva år «oppdaga» Christofer Columbus Amerika?

4. Kven var første mann til å gå på månen den 20. juli 1969?

5. Ellen Patricia MacArthur sette verdsrekord då ho reiste åleine rundt jorda i 2005. Kva var framkomstmiddelet hennar?

Nynorsklyrikarar

6. Kva heiter tettstaden i Hordaland der Olav H. Hauge budde?

7. Kva diktar frå Skjåk er onkelen til ein annan kjend forfattar og budde fleire år i Bremanger?

8. Halldis Moren Vesaas er ein av våre kjæraste diktarar. Korleis går første setning i det kjende diktet hennar «Ord over grind»?

9. Ho voks opp i Ørsta og debuterte 25 år gamal med diktsamlinga Dåp under sju stjerner (1952). Kva heiter ho?

10. Ho måtte gje tapt for kreftsjukdom berre 67 år gamal, men rakk mellom anna å gje ut diktsamlinga Vinterhuset (1981). Kven er ho?

Fysikk

11. Kva er standard måleeining for elektrisk straum?

12. Kva heiter den danske fysikaren som kanskje er mest kjend for atommodellen som er oppkalla etter han, som han òg fekk nobelprisen for i 1922?

13. Vatn kokar vanlegvis ved 100 grader celsius. Men kva skjer med kokepunktet dersom du kokar vatn på toppen av eit høgt fjell?

14. Kven oppdaga i 1985 ei ny type stråling som opphavsmannen sjølv kalla x-strålar, ei nemning som heng att i mange språk?

15. I 2012 vart ein ny partikkel, ein type boson, oppdaga på CERN. Partikkelen er oppkalla etter ein britisk fysikar, og Nick Cave har skrive ein blues om han. Kva heiter partikkelen?

Brotsverk og straff

16. Kva er den kriminelle lågalderen i Noreg?

17. Han er omtala som Noregs største bankranar og var innblanda i minst 19 væpna ran mot bankar og postkontor i 70-åra. Kva heiter han?

18. Kva heiter det gamle, freda fengselet i Oslo som mellom anna vart kjent gjennom Olsenbanden-filmane?

19. Ei av dei eldste lovene i Noreg er kjend for sitatet «Med lov skal landet byggjast.» Kva heiter lova?

20. 12. februar 1994, under opningsseremonien til OL på Lillehammer, stal Pål Enger ein nasjonalskatt. Kva var det han stal?

Religion

21. Kva er den mest utbreidde religionen i Nepal?

22. Kva religiøs gruppe har hovudsete i staten Utah i USA?

23. Kva religiøs rørsle eller organisasjon vart grunnlagd av forfattaren L. Ron Hubbard?

24. Kva heiter den heilagaste byen i islam?

25. Kva religion har ein gurdwara som tempel eller gudshus?

Ministrar

26. Kva departement styrte Inger Louise Valle (Ap) frå 1973–79?

27. Kven tok over som fiskeriminister etter Per Sandberg 13. august i år?

28. Kven var norsk utanriksminister under den andre verdskrigen?

29. Kva heiter den tidlegare ministeren som no er fylkesmann i Oslo og Akershus?

30. Kva heiter ministeren som fekk ansvaret for å innføre den såkalla røykelova i 2004?

70-talsrock

31. Kven var trommeslagar i Led Zeppelin?

32. Kva populært heavy metal-band vart grunnlagt under namnet Earth i Birmingham i 1968, før det skifta namn året etter?

33. Kva heitte debutalbumet til Pink Floyd?

34. Kva by var bandet Jefferson Airplane basert i?

35. I kva band er Ian Gillan vokalist?

Vestlandet

36. Kven har skrive den elleville romanen Vestlandet (2017) om ein uvanleg innhaldsrik biltur?

37. I kva fylke ligg Hopperstad stavkyrkje?

38. Målt i areal, kva er den største øya på Vestlandet?

39. Landets tredje høgste fjell ligg på Vestlandet. Kva heiter det?

40. Noregs lengste tunnel ligg òg på Vestlandet. Kva tunnel er det?

Svar på neste side