Kva dyr?

5 POENG: Vaksne individ av dette dyret har raud augering. Arten vert delt inn i fem underartar, særleg etter kva gråsvart tone ryggen har. To av underartane har førsteledda samojed- og kasakh-.

4 POENG: Han kan verte forveksla med svartbak, men er mindre og har ikkje grårosa bein. Eit treffande dialektnamn er gulføting.

3 POENG: Han er kvit på undersida og mykje av hovudet. Han et det meste, ikkje minst stimfisken som òg er med i artsnamnet. Nebbet er gult med raud flekk.

2 POENG: Arten og resten av familien kjem dårleg ut hos Odd Børretzen.  

1 POENG: Nokre andre vanlege måker i Noreg er fiskemåke, gråmåke, hettemåke og krykkje.

Kva person?

5 POENG: Denne personen var barn av jødiske immigrantar. Han skulle verte ein stor og allsidig musikkformidlar og velgjerar. Til dømes komponerte han filmmusikken til Storbyhavnen (1954).

4 POENG: Amerikanaren levde i åra 1918–1990. Ei boktittel er The Joy of Music. Pedagogen arrangerte òg eigne konsertar for yngre.

3 POENG: I det viktigaste yrket sitt fekk han kjende elevar, som Herbert Blomstedt, Claudio Abbado og Seiji Ozawa.

2 POENG: Det nemnde yrket er dirigent. Han komponerte òg musikken til musikalen West Side Story.

1 POENG: I filmen Maestro (2023) er Bradley Cooper både regissør, manusforfattar, produsent og hovudrolleinnehavar.

Kva land?

5 POENG: Stjerna i flagget til dette landet er gul. Tre viktige byar utanom hovudstaden er Wau, Malakal og Kodok. Sistnemnde har det gamle namnet Fashoda, kjend frå Fashoda-krisa i 1898, då det nesten vart krig mellom Frankrike og Storbritannia.

4 POENG: Landet har ikkje kyst. Offisielt språk er engelsk. Største religion er kristendommen.

3 POENG: Nilen kryssar landet. Det vart borgarkrig i 2013 på grunn av konflikt mellom president Salva Kiir og den avsette visepresident Riek Machar. Dei høyrer til dei største etniske gruppene, høvesvis dinka og nuer.

2 POENG: Hovudstaden er Juba.

1 POENG: FNs nyaste medlemsstat braut ut av Sudan i 2011.

Kva teikneserie?

5 POENG: Denne teikneserien gjekk frå 1913 til 2000. Skaparen levde i åra 1884–1954. Det er mykje absurd i teikningane, ikkje minst på måleria i bakgrunnen.

4 POENG: Skaparen er amerikanske George McManus. Den mannlege hovudpersonen likar sprengt oksebryst med spisskål på Olsens Bar, som det heiter i norsk omsetjing.

3 POENG: I Noreg er han best kjend som årleg julehefte. Det er ein satire over dagleglivet til eit nyrikt irsk-amerikansk ektepar.

2 POENG: Originaltittelen er Bringing Up Father. Den norske tittelen er fornamna til ekteparet.

1 POENG: På norsk har båe hovudpersonane fornamn på F.

Svar på spørsmåla:

Kva dyr: Sildemåke

Kva person: Leonard Bernstein

Kva land: Sør-Sudan

Kva teikneserie: Fiinbeck og Fia