Tre tilrådingar frå The Greatest Film of All Time ...
... i tillegg til favorittfilmen min, Billy Wilders Sunset Blvd. frå 1950 (78.-plass), som eg alltid vil tilrå fyrst.
Den franske filmregissøren Jacques Tati skøyar med fotografen under ein pressekonferanse på Londons Savoy Hotel i 1968.
Foto: LAURENCE HARRIS / Ap / NTB
Playtime av Jacques Tati (1907–1982) (1967, 23.-plass)
Tati er Frankrikes svar på Leif Juster, Mr. Bean og Charlie Chaplin. Han skreiv fleire manus sjølv og spela hovudpersonen Monsieur Hulot, ein lang, velkledd mann med hatt og pipe, som går rundt som eit stillfare spørsmålsteikn i den stiliserte, moderne verda, støtt med eit forbausa «Kva i alle dagar?»-drag over seg. Filmen har den morosamaste restaurantscena eg har sett nokosinne, og det er ikkje få.
Ordet av Carl Theodor Dreyer (1889–1968) (1955, 48.-plass)
Det er dystert, og det går langsamt. Familien Borgen er den høgt respekterte prestefamilien i byen, men eine sonen i huset er vorten sinnssjuk. Han meiner han er Messias, og kjem med spådommar om kva som skal skje. Dette er ikkje i tråd med familiens tru og verdiar. Sjukdom, død og religiøs strid fylgjer. Bileta er reine og kontrastane mellom lys og skugge høge. Eg trur neppe serien Riket av Lars von Trier hadde vorte som han vart utan Ordet.
Shoah av Claude Lanzmann
(1925–2018) (1985, 27.-plass)
Shoah er hebraisk for holocaust. Me møter togføraren som dagleg leverte nye puljar med jødar til siste stopp, frisøren som så raskt og høfleg som råd klipte håret av kvinner i gasskammeret, og fangane som hadde i oppgåve å brenna lik i krematoriet. Shoah er blotta for stemningsskapande lydspor, arkivfoto eller andre effektar som skal fortelja oss kva me skal føla. Dette gjer filmen sterk.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Playtime av Jacques Tati (1907–1982) (1967, 23.-plass)
Tati er Frankrikes svar på Leif Juster, Mr. Bean og Charlie Chaplin. Han skreiv fleire manus sjølv og spela hovudpersonen Monsieur Hulot, ein lang, velkledd mann med hatt og pipe, som går rundt som eit stillfare spørsmålsteikn i den stiliserte, moderne verda, støtt med eit forbausa «Kva i alle dagar?»-drag over seg. Filmen har den morosamaste restaurantscena eg har sett nokosinne, og det er ikkje få.
Ordet av Carl Theodor Dreyer (1889–1968) (1955, 48.-plass)
Det er dystert, og det går langsamt. Familien Borgen er den høgt respekterte prestefamilien i byen, men eine sonen i huset er vorten sinnssjuk. Han meiner han er Messias, og kjem med spådommar om kva som skal skje. Dette er ikkje i tråd med familiens tru og verdiar. Sjukdom, død og religiøs strid fylgjer. Bileta er reine og kontrastane mellom lys og skugge høge. Eg trur neppe serien Riket av Lars von Trier hadde vorte som han vart utan Ordet.
Shoah av Claude Lanzmann
(1925–2018) (1985, 27.-plass)
Shoah er hebraisk for holocaust. Me møter togføraren som dagleg leverte nye puljar med jødar til siste stopp, frisøren som så raskt og høfleg som råd klipte håret av kvinner i gasskammeret, og fangane som hadde i oppgåve å brenna lik i krematoriet. Shoah er blotta for stemningsskapande lydspor, arkivfoto eller andre effektar som skal fortelja oss kva me skal føla. Dette gjer filmen sterk.
Fleire artiklar
Teikning: May Linn Clement
Olav H. Hauge-dagbøkene
15. mars 1938: «Sume er so redde for å ta frå andre, eller rettare vera ved at dei låner; dei prøver på død og liv vera originale.»
Det er seks år sidan Norma Winstone gav ut førre album.
Foto: Michael Putland / ECM Records
Hand-i-hanske-duo
Norma Winstone er ein tekstforfattar av rang.
Erling Indreeide har mellom anna skrive fleire diktsamlingar, musikk- drama og essay.
Foto: Julie Engvik
Noko for seg sjølv og noko for kvarandre
Erling Indreeide har skrive ei bok som eig ei uvanleg sterk poetisk tankekraft.
Liv Mossige (f. 1978) jobbar som lektor og skriv bokmeldingar for Dagsavisen.
Foto: Cappelen Damm
Kvasireligiøs reaksjon
Liv Mossige viser fram det amoralske hos ivrige moralistar.
Det originale grunnlovsdokumentet ligg til vanleg i stortingsarkivet. Her er det på besøk på Eidsvoll.
Foto: Berit Roald / NTB
Nynorsk, språk og skriftmål
Ofte er det vrient å dra skilje mellom språk, dialektar og språkvariantar.