Symjeopplæring
Om dette er ein profesjonell symjetime eller eit foreldrepåfunn, er ikkje godt å seie. Biletet er frå 1930-åra, og metoden har eg ikkje sett i dag.
Sport før og no
Sport før og no
Symjetrening har lenge vore ein del av skulepensumet. Kanskje ikkje så rart, for i motsetning til algebra kan ein jo faktisk døy av ikkje å lære å symje. I normalplanen frå 1939 kan vi lese om undervisningsmetodar som tørrsymjing på land, men også om vasstilvenjing, livberging og brystsymjing i ekte vatn. Mønsterplanen som kom i 1974, hadde meir fokus på å bli trygg i vatnet, og ei stor endring nå var at jenter og gutar kunne ha symjing saman. Sjølv om læreplanane har hatt eit godt formål, har nok undervisninga vore skiftande– alt frå å tvinge elevar ut på djupna til å drage barn etter tau.
Nå handlar undervisninga enda meir om å bli trygg i vatnet, i tillegg til å kunne berge seg sjølv og medelevar. Undersøkingar viser at langt frå alle kan symje, spesielt dei som ikkje lærer det heime. Det blir skulane sitt ansvar å trø til med kompetente lærarar og nok mengdeundervisning. Med få oppvarma basseng må elevane ut i sjøen eller elva. Å lære å symje i kaldt vatn kan vere utfordrande for barn som likar seg best under den varme datavifta.
Far min tok symjeknappen, som er 200 meter utan stopp, på djupet langs berga. Alle vart tvinga uti, mens læraren slappa av på land. I Oslo opnar ikkje Sagene bad med det fyrste, så son min må kanskje gjennom same prosedyre, då truleg med ein meir skjerpa og kompetent lærar på land.
Maren Bø
Maren Bø er idrettspedagog og frilansskribent.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Symjetrening har lenge vore ein del av skulepensumet. Kanskje ikkje så rart, for i motsetning til algebra kan ein jo faktisk døy av ikkje å lære å symje. I normalplanen frå 1939 kan vi lese om undervisningsmetodar som tørrsymjing på land, men også om vasstilvenjing, livberging og brystsymjing i ekte vatn. Mønsterplanen som kom i 1974, hadde meir fokus på å bli trygg i vatnet, og ei stor endring nå var at jenter og gutar kunne ha symjing saman. Sjølv om læreplanane har hatt eit godt formål, har nok undervisninga vore skiftande– alt frå å tvinge elevar ut på djupna til å drage barn etter tau.
Nå handlar undervisninga enda meir om å bli trygg i vatnet, i tillegg til å kunne berge seg sjølv og medelevar. Undersøkingar viser at langt frå alle kan symje, spesielt dei som ikkje lærer det heime. Det blir skulane sitt ansvar å trø til med kompetente lærarar og nok mengdeundervisning. Med få oppvarma basseng må elevane ut i sjøen eller elva. Å lære å symje i kaldt vatn kan vere utfordrande for barn som likar seg best under den varme datavifta.
Far min tok symjeknappen, som er 200 meter utan stopp, på djupet langs berga. Alle vart tvinga uti, mens læraren slappa av på land. I Oslo opnar ikkje Sagene bad med det fyrste, så son min må kanskje gjennom same prosedyre, då truleg med ein meir skjerpa og kompetent lærar på land.
Maren Bø
Maren Bø er idrettspedagog og frilansskribent.
Fleire artiklar
Cissy Houston
Wikimedia Commons
Arkivet: Emily «Cissy» Houston (1933–2024)
Berlin: Med bandet kring seg står Bob Dylan ved flygelet og spelar munnspel.
Foto: Håvard Rem
Som å lesa ei bok
Dylan (83) vert eldre, men skriv og syng betre.
Teikning: May Linn Clement
«Øving er ei form for arbeid, og sanneleg heng øva etymologisk saman med latin opus (‘arbeid, verksemd’).»
Det var ein fiskar som oppdaga kvalflokken denne fredagsmorgonen, og så gjekk alarmen. Det blei bestemt at han skulle takast inn til Hvannasund. Der venta om lag hundre menneske som var varsla gjennom ei lukka gruppe på Facebook.
Alle foto: Hallgeir Opedal
Grinda kjem!
I dag har eg vore med på å drepe 220 grindkvalar. Ja, mogleg det var 230, eg mista teljinga.
Filmen følgjer Lunies-familien, som har vore splitta i lang tid.
Foto: Selmer Media