19. mai 1893 gjekk Verdalsraset, eit kvikkleirras som råka over 100 gardar og drap 116 menneske og dyr i tusental. Tre kvadratkilometer av Verdal forsvann i leirmassane.

Det tok til like etter midnatt ved Hagamarka, eit par kilometer aust for Stiklestad. Kvikkleira – gamal havbotn som hadde vore stabilisert med salt som no var vaska ut – flaut som ei væske og reiv med seg garden Melbynesset og dei som der budde, dinest garden på Haganeset, der berre kona berga seg. Raset demde opp Verdalselva, og då dammen brast, gjekk det største raset, som tok meir enn 80 gardar og rann ut over de nedre delane av Verdalen mot Verdalsøra.

Minst 35 av dei omkomne blei aldri funne, medan andre dukka opp fleire år seinare. Leirraset skal vera det største som er registrert i historisk tid her i landet, større enn Gauldalsraset i 1345, som tok fleire liv, kan hende opp mot 500.

Jox