31. mars 1917 tok USA formelt over Dansk Vestindia frå Danmark mot 25 millionar dollar i gull, og ei forsikring frå USA om at Danmark skulle få ha kolonien i nord, Grønland, i fred.

For USA, medan fyrste verdskrigen rasa, låg St. Croix, St. Thomas og St. Jan strategisk til for kontroll med trafikken gjennom Panamakanalen.

Danmark hadde elles hatt lite glede av den tropiske kolonien sin etter at slaveriet miste popularitet på desse kantar av kloten. Innbyggjarane, dei fleste etterkomarar etter afrikanske slavar, blei ikkje spurde, men dei skipa si eiga folkerøysting som konkluderte med at det var betre å vera borgarar av USA enn av Danmark (trass i at dei ikkje skulle ha røysterett ved presidentval).

USA tok attende nemninga til Columbus. Han sette fot her i 1493 og nemnde øygruppa etter St. Ursula og dei 11.000 jomfruelege tenestejentene hennar. Då var det Arawak-indianarar som rådde. 200 år seinare hadde indianarane døydd ut grunna sjukdom, tyranni og likesæle frå dei skiftande europeiske okkupantane, og danskane var ikkje annleis, viste det seg.

Fargefotografiet frå La Vallee i St. Croix er teke av Jack Delano i 1939.

Jox